Be ka se isịnede

Be ka se isịnede

 UKPEPN̄KPỌ 02

Bible Ọnọ Nnyịn Idotenyịn

Bible Ọnọ Nnyịn Idotenyịn

Mme owo ke ererimbot emi ẹnyene nsio nsio mfịna emi anamde esịt okûnem mmọ onyụn̄ anamde mmọ ẹfụhọ. Ediwak owo ke ẹnyụn̄ ẹyọ ubiak okoneyo ye uwemeyo. Ndi n̄kpọ ntre etịbe ọnọ fi akpa? Ekeme ndidi udọn̄ọ iyakke fi ọbọ emem, mîdịghe edi ke atua owo fo emi akakpade. Anaedi emesikere, ‘Ndi ererimbot emi ọyọfọn tutu amama?’ Bible ọbọrọ mbụme oro.

1. Nso ke Bible etịn̄ emi ọnọde owo idotenyịn?

Bible etịn̄ ntak emi ererimbot ọyọhọde ye afanikọn̄, onyụn̄ etịn̄ ke mfịna ererimbot emi ididịghe ke nsinsi, ke afanikọn̄ ererimbot emi ọmọn̄ etetre. Se Bible etịn̄de emi aban̄a “ini iso” ọnọ nnyịn “idotenyịn.” (Kot Jeremiah 29:11, 12.) Un̄wọn̄ọ Bible emi an̄wam nnyịn iyọ mfịna nnyịn, anam ifiọk ke eke nnyịn ikụreke, onyụn̄ anam ikụt ke iyokop inemesịt ke nsinsi.

2. Bible ọdọhọ ke n̄kpọ editie didie ke ererimbot emi ke ini iso?

Bible ọdọhọ ke ini ke edi emi ‘n̄kpa mîdidụhe aba, mfụhọ m̀mê ntuan̄a m̀mê ubiak mîdinyụn̄ idụhe aba.’ (Kot Ediyarade 21:4.) Nsio nsio n̄kpọ emi anamde uwem odorode ediwak owo mfịn, utọ nte ubuene, ufịk, udọn̄ọ, ye n̄kpa ẹyetre. Bible ọn̄wọn̄ọ ke mme owo ẹyedu ata uwem ke nsinsi, ke ẹyenyụn̄ ẹnam ofụri isọn̄ emi akabade edi Paradise.

3. Nso ikeme ndinam fi enen̄ede enịm ke idotenyịn emi Bible ọnọde nnyịn idikpaha mfụhọ?

Ediwak owo ẹdori enyịn ke ini iso ọyọfọn, edi mmọ idiọn̄ọke m̀mê se mmimọ idoride enyịn oro eyetịbe. Edi un̄wọn̄ọ Bible, m̀mê idotenyịn emi Bible ọnọde owo itiehe ntre. Edieke ‘inen̄erede idụn̄ọde N̄wed Abasi,’ iyokụt ke se Bible etịn̄de eyetịbe. (Utom 17:11) Ndinen̄ede n̄kpep Bible ekeme ndinam fi okụt ke se Bible ọdọhọde ke eyetịbe ke ini iso edi akpanikọ.

 SỊN IDEM KPEP

Se ndusụk n̄kpọ oro Bible ọdọhọde ke eyetịbe ke ini iso. Se nte se Bible ọdọhọde ke eyetịbe an̄wamde mme owo mfịn.

4. Bible ọdọhọ ke kpukpru n̄kpọ ọyọfọn ama, ke mme owo ẹyedu uwem ke nsinsi

Se nsio nsio un̄wọn̄ọ oro odude ke Bible, oro ẹbatde mi. Ewe ye ewe ke ama akan? Nso inam enen̄ede ama mbon oro?

Kot itie Bible emi asan̄ade ye mme un̄wọn̄ọ oro, ekem ẹbọrọ mbụme emi ẹnyụn̄ ẹneme ẹban̄a mmọ:

  • Ndi itie Bible oro ekeme ndin̄wam fi? Ndi emekere ke enye ekeme ndin̄wam ubon mbufo m̀mê mme ufan fo?

Kere nte edinemde ndidu uwem ke ererimbot emi

KE INI OWO NDOMOKIET . . .

KE INI KPUKPRU OWO . . .

  • mîdibọhọ ufen, mîdisọn̄ke, mîdikpaha aba.—Isaiah 25:8.

  • ẹdifiakde ikụt mbon mmọ oro ẹkpan̄ade.—John 5:28, 29.

  • ẹdikopde nsọn̄idem inyụn̄ isehe kpukpru usen.—Job 33:25.

  • mîdibọhọ ufen ke ntak ekọn̄.—Psalm 46:9.

  • mîdifụhọke ke ntak ọkpọsọn̄ ekikere m̀mê editịmede esịt.—Isaiah 65:17.

  • ẹdidude uwem ke nsinsi, inyeneke mfịna ndomokiet aba.—Psalm 37:29.

 5. Se Bible ọn̄wọn̄ọde an̄wam ediwak owo

Ediwak mfịna ke ererimbot emi anam ediwak owo ikopke inemesịt onyụn̄ anam ediwak owo ẹyat esịt. Emi anam ndusụk mmọ ẹda ofụri uwem mmọ ẹn̄wana ẹyom usụn̄ ndinam ererimbot emi ọfọn. Se nte un̄wọn̄ọ Bible emi ọdọhọde ke n̄kpọ ọyọfọn an̄wamde mme owo. Se VIDIO emi, ekem ẹbọrọ mbụme emi ẹnyụn̄ ẹneme ẹban̄a mmọ.

  • Ke vidio oro, nso ikafịna Rafika?

  • Kpa ye emi asari ye ufịk oro mîtreke, didie ke Bible an̄wam enye?

Se Bible ọn̄wọn̄ọde ekeme ndinam nnyịn ikop inemesịt onyụn̄ an̄wam nnyịn iyọ mfịna ekededi. Kot Mme N̄ke 17:22 ye Rome 12:12, ekem ẹbọrọ mbụme emi ẹnyụn̄ ẹneme ẹban̄a mmọ:

  • Ndi emekere ke se Bible ọdọhọde ke eyetịbe ke ini iso ekeme ndin̄wam fi idahaemi? Nso inam ọdọhọ ntre?

NDUSỤK OWO ẸSIDỌHỌ ẸTE: “Se Bible ọdọhọde ke eyetịbe ke ini iso ibietke akpanikọ.”

  • Ntak emi ekerede ke ọfọn odụn̄ọde mme n̄kpọ emi Bible etịn̄de mi ese ke idemfo?

 SE IKPEPDE

Bible etịn̄ nti n̄kpọ emi editịbede ke ini iso. Emi anam inyene idotenyịn onyụn̄ anam ikop inemesịt.

Se M̀mê Emeti

  • Ntak emi ọfọnde owo enyene idotenyịn?

  • Bible ọdọhọ ke nso ye nso iditịbe ke ini iso?

  • Didie ke ndidiọn̄ọ ke ini iso ọyọfọn ekeme ndin̄wam fi idahaemi?

Se Afo Edinamde

KPEP N̄KPỌ EN̄WEN

Se n̄kpọ en̄wen emi idotenyịn ekemede ndinam.

“Nso Idinam Fi Enyene Idotenyịn?” (g04 4/22)

Se nte ndidori enyịn ke se Bible ọdọhọde ke eyetịbe esin̄wamde mbon emi ẹdọn̄ọde.

“Ndi Bible Ekeme Ndin̄wam ke Ini Ndọn̄ọde?” (Odu ke jw.org)

Nte osụk esede ikwọ emi, kere nte uwem edinemde fi ye ubon mbufo ini ẹdinamde ofụri isọn̄ emi edi Paradise nte Bible ọdọhọde.

Kere Ini Emi (3:37)

Se nte un̄wọn̄ọ Bible akan̄wamde owo emi ekekerede ke imekeme ndikpụhọde ererimbot.

“N̄kereke Aba Ndikpụhọde Ererimbot” (Enyọn̄-Ukpeme, July 1, 2013)