Be ka se isịnede

Be ka se isịnede

NDI ẸKEBOBOT?

Ikpa Urụkikọt

Ikpa Urụkikọt

SIA urụkikọt mînyeneke ukot se ada asan̄a isan̄, ana ikpa esie okpokpụp man enye okûda unan. Ndusụk urụkikọt ẹsidọk eto emi mîdọnọke idem, ndusụk ẹsinyọni ke odudu ke esịt isọn̄. Nso inam ikpa urụkikọt etie ntem?

Kere ise: Ikpa urụkikọt etiene nte urụkikọt etiede. Edi enyene n̄kpọ emi edikụtde ke kpukpru ikpa: Edem ọsọsọn̄ edi esịt ememem. Didie ke emi esin̄wam urụkikọt? Anam-ndụn̄ọde kiet emi ekerede Marie-Christin Klein ọdọhọ ke ‘n̄kpọ emi etiede ntem isisọpke inyene unan inyụn̄ isọpke iwaha ke ini n̄kpọ ekịmde m̀mê akwatde enye.’ Nte ikpa urụkikọt etiede anam urụkikọt esikeme ndinyọni ke isọn̄ inyụn̄ iyakke enye akwat idem ọkpọsọn̄ ke itiat mbak itiat edinọ enye unan. Urụkikọt esifọrọde ikpa ke ọfiọn̄ iba m̀mê ita ẹbede. Edieke ikpa emi mîkpokpụpke, enye ikpekemeke ndisan̄a ofụri oro mbemiso ọfọrọrede.

Nte ikpa urụkikọt etiede ayan̄wam ntaifiọk ẹnam n̄kpọ emi ẹdisịnde owo ke idem ke ini ẹsiakde owo idem. Mmọ ẹyom enye emi edibịghide edinyụn̄ ọsọn̄ọde esịne ke itie emi ẹsịnde enye. Ẹkere ndida ifiọk emi n̄ko nsio obufa masịn emi esiwerede n̄kpọ, emi mîdiyomke ẹsịn ediwak aran.

Afo ekere didie? Ndi n̄kpọ okoforo urụkikọt emi enyenede utọ ikpa emi? Mîdịghe ndi ẹkebobot?