Abasi esikpan̄ utọn̄. Bible ọdọhọ ete: “Jehovah emekpere kpukpru mbon oro ẹsemede ẹkot enye, emekpere kpukpru mbon oro ẹsemede ẹkot enye ke akpanikọ. . . . Enye oyokop eseme emi mmọ ẹsemede ẹyom un̄wam.”—Psalm 145:18, 19.

Abasi oyom ọbọn̄ akam ọnọ imọ. Bible ọdọhọ nnyịn ete: “Ke kpukpru n̄kpọ ẹda akam ye n̄kpeubọk ọkọrọ ye ekọm ẹben̄e Abasi se mbufo ẹyomde.”—Philippi 4:6.

Abasi enen̄ede ekere aban̄a fi. Abasi ọfiọk ofụri se ifịnade nnyịn, enye onyụn̄ eben̄e idem ndin̄wam nnyịn. Bible ọdọhọ ‘itop kpukpru editịmede esịt nnyịn idori enye ke idem, koro enye ekere aban̄a nnyịn.’—1 Peter 5:7.