Be ka se isịnede

Be ka se isịnede

Ndi Ama Ọfiọk?

Ndi Ama Ọfiọk?

Ẹkesinam didie ẹkama ikan̄ ẹsan̄a ke eyo Bible?

GENESIS 22:6 ọdọhọ ke ini Abraham okoyomde ndika n̄kọfọp uwa ke ebiet emi ekenen̄erede oyom usụn̄, enye ama “emen ifia edifọp uwa oro ọnọ Isaac eyen esie obiom onyụn̄ akama ikan̄ ye ikwa ke ubọk, ndien mmọ mbiba ẹsan̄a kiet ẹdaha.”

N̄wed Abasi itịn̄ke nte ẹkesisan̄ade ẹnam ikan̄ obubede ke eyo Bible. Ataifiọk kiet emi esitịn̄de n̄kpọ aban̄a Bible ọdọhọ ke “ekpekenen̄ede ọsọn̄ ndinam ikan̄ oro aka iso asak tutu [Abraham ye Isaac] ẹkesịm utọ anyan ebiet” oro mmọ ẹkekade do. Enye ọdọhọ ke ekeme ndidi Genesis 22:6 etịn̄ aban̄a n̄kpọ emi Abraham akakamade ndida mbara ikan̄.

Mbon en̄wen ẹdọhọ ke ikesimemke utom ndinam ikan̄ obubede ke eyo Bible. Ama esikam emem mme owo utom ndidụk otụn̄ikan̄ mbọhọidụn̄ mmọ nsion̄o mbubek ikan̄ akan ndidomo ndinam ikan̄ obubede. Ediwak ntaifiọk emi ẹnamde ndụn̄ọde ẹban̄a Bible ẹdọhọ ke etie nte Abraham akakama esombat emi enyenede ubọk, emi ẹkenyụn̄ ẹdọn̄de mbubek ikan̄ ke esịt. Ẹkesion̄o mbubek ikan̄ emi ke ikan̄ oro ẹkebarade okoneyo. (Isa. 30:14) Ẹma ẹsidọn̄ n̄kpri n̄kpri ifia ke mbubek ikan̄ oro ẹkedọn̄de ke esombat mi ẹda ẹbara ikan̄, ini ekededi oro ẹkeyomde ndibara ikan̄ ke usụn̄ isan̄.