Be ka se isịnede

Be ka se isịnede

Astana

 MME OBIO YE MME OWO

Kazakhstan

Kazakhstan

KE ESET, mbon Kazakhstan ikesidụn̄ke ebiet kiet. Mmọ ẹkesisasan̄a ẹbọk ufene mmọ. Tutu esịm mfịn, ndusụk mbon Kazakhstan ẹsụk ẹsasan̄a ẹbọk ufene mmọ. Mmọ ẹsidu ke obot ke ndaeyo sia enyọn̄ obot esibịt. Ekem ke ini snow, mmọ ẹsisụhọde ẹka unaisọn̄ man ẹkekop ufiop.

Ndusụk mbon Kazakhstan ẹdụn̄ ke ikpọ obio. Edi ediwak ido mmọ, udia mmọ, ye ubọkutom mmọ osụk etie nte eke mme ete-ete mmọ emi ẹkesidụn̄de ke nsio nsio itie ẹbọk ufene. Toto ke eset, mbon Kazakhstan ẹma ẹsima nditịn̄ uto, ndikwọ ikwọ, nnyụn̄ nda n̄kpọ ubreikwọ mmọ mbre ikwọ.

Ekpri ufọk emi mmọ ẹsibọpde ekara ekara (emi ẹkotde yurt) owụt ke owo ekeme ndibọp ufọk edi ibiatde  n̄kpọ-obot. Mme ekpemerọn̄ ẹsụk ẹmama ndidụn̄ ke ekpri ufọk emi, ndien mbon Kazakhstan emi ẹdụn̄de ke ikpọ obio ẹsida enye ẹnịm akpan edinam. Isenowo ẹsinyụn̄ ẹma ndidụn̄ ke ekpri ufọk emi. Ẹsida ndiye ọfọn̄ emi iban Kazakhstan ẹdọkde ye ndiye carpet ẹbana esịt ekpri ufọk oro.

Esịt ekpri ufọk emi ẹkotde yurt

Mbon Kazakhstan emi ẹdụn̄de ke obio-in̄wan̄ ẹma enan̄-mbakara etieti. Mmọ ẹnyene ikọ 21 ẹnọ enan̄-mbakara, ndien ikọ kiet kiet esinam ẹfiọk utọ enan̄-mbakara oro ẹtịn̄de ẹban̄a. Mmọ ẹnyụn̄ ẹnyene se ibede ikọ 30 emi ẹsidade ẹtịn̄ ẹban̄a uduot emi enan̄-mbakara enyenede. Mmọ ẹsida ediye enan̄-mbakara nte ata eti enọ emi ọsọn̄de urua. Irenowo emi ẹdude ke obio-in̄wan̄ ẹsitọn̄ọ ke n̄kpri ẹkpep ndiwat enan̄-mbakara.

Mbon Kazakhstan ẹsiwak ndisịn unam ke udia mmọ, edi mmọ isisịnke ndunịm ikaha. Ediwak mbon Kazakhstan ẹsima ndin̄wọn̄ koumiss, emi ẹsidade mmọn̄eba enan̄-mbakara ẹnam, ye shubat emi ẹsidade mmọn̄eba camel ẹnam. Ẹdọhọ ke koumiss esinen̄ede ọnọ owo n̄kpọ ke idem.

Ọfis Mme Ntiense Jehovah odu ke Almaty, ndien isenowo ẹkeme ndidi ndise itie emi.

Anawụri-ekpe emi esidu ke enyọn̄ ikpọ obot Kazakhstan ke ini ndaeyo