Be ka se isịnede

Be ka se isịnede

2 Ndi Nnyịn Idi Ntak Ufen Emi Ibọde?

2 Ndi Nnyịn Idi Ntak Ufen Emi Ibọde?

Ntak Emi Ọfọnde Idiọn̄ọ

Edieke edide nnyịn idi ntak, ọwọrọ imekeme ndinam ndusụk ufen ẹtre.

Kere Ise

Didie ke mme owo ẹnyene ubọk ke mme n̄kpọ oro ẹsiakde mi, oro ẹsinamde mme owo ẹbọ ufen?

  • Mfiomo.

    Esop Emi Ẹsede Ẹban̄a Nsọn̄idem Ererimbot ẹdọhọ ke ẹma ẹfiomo owo kiet ke otu owo inan̄ ke ini mmọ ẹkedide nditọwọn̄, ndien ke ẹsifiomo mîdịghe ẹsabade n̄wan kiet ke otu iban ita.

  • N̄kpa.

    N̄wed kiet emi Esop Emi Ẹsede Ẹban̄a Nsọn̄idem Ererimbot ẹkewetde ke 2018 ọdọhọ ke ẹma ẹwot n̄kpọ nte owo 477,000 ke ofụri ererimbot ke 2016. N̄ko, ẹma ẹwot n̄kpọ nte owo 180,000 ke ekọn̄ ye en̄wan kpa isua oro.

  • Udọn̄ọ.

    Fran Smith ekewet ke magazine oro ẹkotde National Geographic ete ke se ibede owo biliọn kiet ẹsin̄wọn̄ sika, ndien ke sika anam mme owo ẹnyene mme udọn̄ọ emi owotde ata ediwak owo, utọ nte udọn̄ọ esịt, akpauben̄, ye kansa obufre.

  • Asari.

    Ataifiọk emi ekerede Jay Watts ekewet ete ke nsọn̄ọn̄kpọ, ndibịn mme owo nsio ke ebiet oro mmọ ẹkedụn̄de, nsio nsio itieutom ndidomo idem ye kiet eken, ye ndisua owo ke ntak ebiet emi enye otode, ntak emi enye mînyeneke okụk, m̀mê ke ntak emi enye edide n̄wan, esinam esịt etịmede owo.

    N̄KPỌ EN̄WEN DO

    Se vidio oro Ntak Emi Abasi Okobotde Isọn̄ Emi? ke jw.org/efi.

 Se Bible Ọdọhọde

Mme owo ẹdi ntak ediwak ufen oro ibọde ke ererimbot emi.

Idiọk ukara anam ata ediwak owo ẹbọ ufen sia mmọ ẹfịk mbon emi mmọ ẹkpekam ẹn̄wamde-n̄wam.

“Owo [akara] owo tutu ọnọ enye unan.” ECCLESIASTES 8:9.

Enyene se ikpanamde man ikûnen̄ede ibọ ufen.

Item Bible ekeme ndinam owo okûsọp udọn̄ọ onyụn̄ anam owo odu ke emem ye mbon en̄wen.

“Sụn̄sụn̄ esịt edi uwem obụkidem, edi ufụp edi nyap ọkpọ.”MME N̄KE 14:30.

“Ẹsion̄o kpukpru idiọk udu ye iyatesịt ye ifụtesịt ye mfiori ye ikọ isụn̄i ẹfep ke idem mbufo ọkọrọ ye kpukpru idiọkn̄kpọ.”EPHESUS 4:31.