Be ka se isịnede

Be ka se isịnede

3 Ntak Emi Nti Owo Ẹsibọde Ufen?

3 Ntak Emi Nti Owo Ẹsibọde Ufen?

Ntak Emi Ọfọnde Idiọn̄ọ

Esibiak nnyịn etieti ndikụt nti owo ẹbọde ufen. Emi esinam ndusụk owo ẹkere ke ufọn idụhe ndidi eti owo sia idisụk ibọbọ ufen.

Kere Ise

Ndusụk owo ẹnịm ke mme owo ẹsikpa ẹfiak ẹmana ediwak ini. Mmọ ẹsidọhọ ke mbon emi ẹkenamde eti n̄kpọ ẹsikop inem uwem ke ini mmọ ẹfiakde ẹmana, edi mbon oro ẹkenamde ndiọi n̄kpọ ẹsimana ẹdidụk ufen. Mmọ ẹdọhọ n̄ko ke eti owo ekeme nditiene mbọ ufen edieke enye akanamde idiọkn̄kpọ ke emana oko. Edi . . .

  • Sia owo emi ẹdọhọde ke afiak amana do mîsitịghi nte enye okodude uwem ke emana oko, ufọn ufen emi enye ọbọde?

  • Edieke edide ana idọn̄ọ m̀mê inyene aksiden ke ntak idiọkn̄kpọ oro ikanamde ke emana oko, ufọn emi isinamde ofụri se ikekeme man idimen udọn̄ọ idinyụn̄ inyene aksiden?

    N̄KPỌ EN̄WEN DO

    Se vidio oro Ntak Emi Abasi Ayakde Mme Owo Ẹbọ Ufen? ke jw.org/efi.

 Se Bible Ọdọhọde

Idịghe Abasi amia nnyịn ufen.

Utu ke oro, ata ediwak ufen oro ibọde edi ke ntak emi idude ke itie emi n̄kpọ etịbede. Ekpedi nnyịn ikodụhe do ini oro, mfịna oro ikpesịmke nnyịn.

“Idịghe mme ọsọp-itọk ẹkan ke mbuba, inyụn̄ idịghe n̄kpọsọn̄ owo ẹkan ke ekọn̄, inyụn̄ idịghe mbon ọniọn̄ ẹnyene udia, inyụn̄ idịghe mme asian ẹnyene inyene, inyụn̄ idịghe mbon emi ẹnyenede ifiọk ẹkụt mfọn; koro ini ye n̄kpọntịbe unana idotenyịn ẹsịmde mmọ kpukpru.”ECCLESIASTES 9:11.

Idiọkn̄kpọ oro ikadade-da imana esitiene anam ibọ ufen.

Mme owo ẹsiwak ndidọhọ ke idiọkn̄kpọ ọwọrọ ndinam n̄kpọ emi mîfọnke. Edi Bible owụt ke idịghe n̄kukụre se idiọkn̄kpọ ọwọrọde edi oro. Enye esịne n̄ko idiọkn̄kpọ emi kpukpru owo—nti ye ndiọi—ẹkedade-da ẹmana.

“Ami n̄kamana ye ukwan̄n̄kpọ ke ubiak uman, eka mi okonyụn̄ oyomo mi ke idiọkn̄kpọ.”PSALM 51:5.

Idiọkn̄kpọ oro kpukpru owo ẹkedade-da ẹmana enen̄ede abiat n̄kpọ ọnọ nnyịn.

Idiọkn̄kpọ anam nnyịn ikûkpere Abasi, anam nnyịn isinyene mfịna ye mbon en̄wen, onyụn̄ anam mme owo ẹbiat isọn̄. Emi anam mme owo ẹnen̄ede ẹbọ ufen.

“Ke ini nyomde ndinam se inende, se idiọkde odu ye ami.”ROME 7:21.

“Kpukpru n̄kpọ oro ẹbotde ke ẹmụm mmụm ọtọkiet ẹnyụn̄ ẹdu ke ubiak ọtọkiet.”ROME 8:22.