Be ka se isịnede

Be ka se isịnede

4 Ndi Abasi Okobot Nnyịn Yak Idibọ Ufen?

4 Ndi Abasi Okobot Nnyịn Yak Idibọ Ufen?

Ntak Emi Ọfọnde Idiọn̄ọ

Ndifiọk ibọrọ mbụme emi ayanam ikop inemesịt.

Kere Ise

Ndi Abasi emi okobotde ndiye n̄kpọ emi ẹyọhọde isọn̄ emi okpoyom nnyịn ibọ ufen?

Ufen anam ediwak mbon emi mîsikaha ufọkabasi ẹdọhọ ke Abasi imaha nnyịn, ndusụk mmọ ẹkam ẹdọhọ ke Abasi idụhe. Mmọ ẹkere ke anaedi (1) Abasi ikemeke ndinam ufen etre, (2) Abasi iyomke ndinam ufen etre, mîdịghe (3) Abasi idụhe.

Ndi n̄kukụre ntak emi akpanamde ibọ ufen edi oro?

N̄KPỌ EN̄WEN DO

Se vidio oro Nnyịn Isan̄a Didie Ifiọk ke Se Ẹwetde ke Bible Enen? ke jw.org/efi.

 Se Bible Ọdọhọde

Abasi ikobotke nnyịn yak idibọ ufen.

Enye oyom uwem enem nnyịn.

“Idụhe se ifọnde ye [mme owo] ikan ndidat esịt nnyụn̄ nnam se ifọnde ke ini emi owo odude uwem; ye nte kpukpru owo ẹdia ẹnyụn̄ ẹn̄wọn̄ ẹnyụn̄ ẹkụt se ifọnde ke kpukpru ọkpọsọn̄ utom mmọ. Emi edi enọ Abasi.”ECCLESIASTES 3:12, 13.

Abasi ama ọnọ akpa ete ye eka nnyịn kpukpru n̄kpọ emi akpanamde uwem enenem mmọ.

Enye ikoyomke mmọ—ye nditọ mmọ—ẹbọ ufen.

“Abasi . . . ọdọhọ mmọ ete: ‘Mbufo ẹtọt ẹnyụn̄ ẹwak ẹnyụn̄ ẹyọhọ ke isọn̄ ẹnyụn̄ ẹkan enye.’”GENESIS 1:28.

Akpa ete ye eka nnyịn ẹma ẹsọn̄ ibuot ye Abasi.

Oro ama anam mmọ ẹbọ ufen, kpukpru nditọ mmọ ẹnyụn̄ ẹtiene ẹbọ ufen.

“Idiọkn̄kpọ [okoto] owo kiet odụk ererimbot, n̄kpa onyụn̄ [oto] ke idiọkn̄kpọ oro odụk, ndien n̄kpa atara esịm kpukpru owo koro kpukpru mmọ ẹma ẹnam idiọkn̄kpọ.”ROME 5:12. *

Abasi ikobotke nnyịn man ida ke idem, edi okoyom isụk ibuot inọ imọ.

Kpa nte Abasi mîkobotke nnyịn ndidụn̄ ke esịt mmọn̄, enye ikobotke owo ndikara owo.

“Isịneke ke ubọk owo eke asan̄ade ndinen̄ede ikpatisan̄ esiemmọ.”JEREMIAH 10:23.

Abasi iyomke nnyịn ibọ ufen.

Enye iyomke nnyịn idụk mfịna.

“Afo akpakam akpan̄ utọn̄ ke mme ewụhọ mi! Do emem fo ekpetie nte akpa mmọn̄.”ISAIAH 48:18.

^ ikp. 17 Ke Bible, ikọ oro “idiọkn̄kpọ” ekeme ndiwọrọ se owo anamde emi mîfọnke, onyụn̄ ekeme ndiwọrọ idiọkn̄kpọ oro kpukpru nnyịn ikadade-da imana.