NDI ẸKEBOBOT?
Idet Nnuene Sahara
NNUENE Sahara emi ntaifiọk ẹkotde Cataglyphis bombycina edi kiet ke otu n̄kpọ emi ekemede ndiyọ ufiop eyo n̄kan. Esidi eyo ama ayat ke Desat Sahara, kpukpru n̄kpọ emi ẹsitade nnuene emi ẹfehe ẹkeyom itie ẹdịbe. Ini emi ndien ke nnuene emi esiwọrọ okoyom udia esie. Enye esita n̄ken̄e n̄kpọ eken emi ufiop eyo owotde.
[50] μm
Kere ise: Se isinamde nnuene emi ekeme ndiwọrọ nsan̄a ke ufiop eyo emi edi ke enye enyene ediwak idet ke idem, ndien idịbi esie ọdọdọnọ. Idet esie (1, 2), esesem onyụn̄ awak. Edieke ẹkamade ukwak emi esinamde n̄kpọ okponi ẹse, ẹyekụt ke idet nnuene emi enyene ndudu emi edide ọsọbọ-ita ke utịt (3). Nte idet nnuene emi etiede enyene ufọn iba. Akpa, idet esie emi isiyakke ufiop eyo odụk enye idem akaha. Ọyọhọ iba, enye esinam ufiop emi odude ke idem nnuene emi ekeme ndiwọrọ. Ndien sia idịbi nnuene emi ọdọnọde-dọnọ, ufiop emi ọwọrọde ke esịt isọn̄ isikemeke ndibe ndụk enye idem. *
[10] μm
Sia idet nnuene emi mîsiyakke ufiop odụk enye idem akaha, emi esinam enye ekeme ndidụn̄ ke desat emi ofiopde etieti. Ke ntaifiọk ẹma ẹkedụn̄ọde nte nnuene emi etiede, mmọ ẹdomo ndisio n̄kpọ emi ekemede ndibịt idemesie ikpọn̄, utu ke ndida fan m̀mê n̄kpọ ntre nnam n̄kpọ oro ebịt.
Afo ekere didie? Ndi nnuene Sahara emi enyenede utọ idet emi okofoforo? Mîdịghe ndi ẹkebobot enye?
^ ikp. 4 Mme n̄kpọ en̄wen emi ẹsin̄wamde nnuene emi ẹdi protein emi ufiop mîsikemeke ndinam ọsọp ataha, nnyan ukot emi ẹsimenerede enye ọkpọn̄ ufiop ntan onyụn̄ anamde enye ọsọp itọk, ye nte enye esikemede ndiwọn̄ọde ndụk ebiet ekededi oro enye amade. Emi esinam enye ekeme ndisọp mfehe ndụk odudu ke ini n̄kpọ etịbede.
Ekeme Ndidi Ayama Mmọ Emi N̄ko
NDI ẸKEBOBOT?
Nso ke Nnuene Ẹsinam Man Usụn̄ Idibọp Ibaha Mmọ?
Usụn̄ isibọpke ibaha nnuene. Nso isinam edi ntre?
NDI ẸKEBOBOT?
Nte Nnuene Emi Ẹkotde Utan̄kpọ Esinamde Edinọi Esie Asana
Ana ekpri unam emi esisana kpukpru ini man enye aka iso odu uwem. Didie ke enye esinam idem esie asana?
