Titus 1;1-16
1 Ami Paul, ofụn+ Abasi ye apostle+ Jesus Christ nte ekemde ye mbuọtidem ndimek+ ikọt Abasi ye nnennen ifiọk+ akpanikọ+ eke asan̄ade ye uten̄e Abasi+
2 emi ọkọn̄ọde ke idotenyịn nsinsi uwem+ oro Abasi, emi mîkemeke ndisu nsu,+ ọkọn̄wọn̄ọde ke anyan ini emi ekebede,+
3 edi ke edikem ini esie enye ama ayarade ikọ esie ke ukwọrọikọ emi ẹkeyakde ẹsịn mi ke ubọk,+ ke idak ewụhọ Abasi, Andinyan̄a+ nnyịn;
4 n̄wet n̄wed emi nnọ ẹsọk Titus, ata eyen+ ke mbuọtidem oro nnyịn ibuanade:
Mfọnido oro owo mîdotke ye emem emi ẹtode Abasi Ete+ ye Christ Jesus Andinyan̄a+ nnyịn ẹkpekam ẹdu ye afo.
5 N̄kọkpọn̄ fi ke Crete+ ke ntak emi, man afo ekpenen̄ede se ikwan̄ade okponyụn̄ emek+ mbiowo ke obio ke obio, nte n̄kọnọde fi uyo;+
6 edieke owo ekededi odude eke owo mînyeneke se ẹtịn̄de ẹdian+ enye, eke edide ebe n̄wan kiet,+ onyụn̄ enyenede nditọ emi ẹnịmde ke akpanikọ eke owo mîdorike mmọ ikọ ite ẹdu etịme etịme uwem m̀mê ndisọn̄ ibuot.+
7 Koro esenyịn enyene ndidi owo eke owo mînyeneke se ẹtịn̄de ẹdian+ nte akama-ukpọhọde+ Abasi, inyeneke ndidi itụn,+ inyeneke ndidi owo emi ọsọpde iyatesịt,+ inyeneke ndidi owo mmịn ye owo utọk,+ inyeneke ndidi owo mfiomo,+ ikponyụn̄ idiọkke itọn̄ ibịne idiọk udori,+
8 edi enyene ndidi owo emi amade ndikama isenowo,+ owo emi amade eti ido, enyenede eti ibuot,+ enyenede edinen ido, ọsọn̄ọde ada, afarade ke idem,+
9 adade usọ unọ ukpep esie ọsọn̄ọ omụm ikọ akpanikọ akama,+ man enye ekpekeme ndida eti ukpepn̄kpọ+ nnọ owo item nnyụn̄ nsua nnọ+ mbon oro ẹtịn̄de n̄kpọ ẹbiọn̄ọ eti ukpepn̄kpọ.
10 Koro ediwak mbon nsọn̄ibuot ẹdu, mbon oro ẹtịn̄de ikpîkpu n̄kpọ,+ ye mbon abian̄a emi ẹbiatde owo ekikere, akpan akpan mbon emi ẹsọn̄ọde ẹyịre ke edina mbobi.+
11 Ana nte ẹkịbi mbon emi inua, sia mmọ ẹkade iso ndiwụri ofụri ufọk+ ke ndikpep mme n̄kpọ emi mmọ mîkpekpepke man ẹdia idiọk udori.+
12 Owo mmọ kiet, kpa prọfet mmọ, ọkọdọhọ ete: “Mbon Crete ẹsụk ẹdi mme osu nsu, ndiọi+ unam, mme ama udia emi mînamke utom.”
13 Ikọ ntiense emi edi akpanikọ. Ke ntak emi ka iso sọn̄ọ sua nọ+ mmọ, man mmọ ẹsọn̄ idem+ ke mbuọtidem,
14 ẹkûkpan̄ utọn̄ ẹnọ n̄ke mme Jew+ ye mme ewụhọ mbon+ oro ẹwọn̄ọrede ẹkpọn̄ akpanikọ.+
15 Kpukpru n̄kpọ ẹdi edisana ẹnọ mmọ eke ẹsanade.+ Edi amaedi mmọ eke ẹdehede+ ye mbon unana mbuọtidem+ n̄kpọ ndomokiet isanake, edi ubieresịt+ ye ekikere mmọ ẹdehe.
16 Mmọ ẹtan̄a an̄wan̄wa ẹte mmimọ imọfiọk Abasi,+ edi mmọ ẹkan̄ enye ke mme utom mmọ,+ koro mmọ ẹdi n̄kpọ itekesịt ye mbon ntụtutọn̄ inyụn̄ idotke+ ndinam eti utom ekededi.
