Psalm 67;1-7

Ẹnọ adausụn̄ ke ndido urụk. Ikwọ. 67  Abasi ayatua nnyịn mbọm onyụn̄ ọdiọn̄ nnyịn;+Enye ayanam iso esie ayama ọnọ nnyịn+​—⁠Selah​—⁠   Man ẹkpefiọk usụn̄ fo ke isọn̄,+Ẹkpefiọk edinyan̄a fo ke otu kpukpru mme idụt.+   Yak mme owo ẹtoro fi, O Abasi;+Yak mme owo, kpukpru owo, ẹtoro fi.+   Yak mme idụt ẹdara ẹnyụn̄ ẹsio n̄kpo idara,+Koro afo eyekpe ikpe mme owo nte enende;+Ndien amaedi mme idụt, afo ayada mmọ usụn̄ ke isọn̄. Selah.   Yak mme owo ẹtoro fi, O Abasi;+Yak mme owo, kpukpru owo, ẹtoro fi.+   Isọn̄ oyon̄wụm mbun̄wụm esie;+Abasi, kpa Abasi nnyịn, ọyọdiọn̄ nnyịn.+   Abasi ọyọdiọn̄ nnyịn,+Ndien kpukpru utịt isọn̄ ẹyebak enye.+

Mme Ikọ Idakisọn̄