Psalm 57;1-11
Ẹnọ adausụn̄. “Kûsobo.” Eke David. Miktam. Ke ini enye ekefehede okodụk abaitiat ke ntak Saul.+
57 Tua mi mbọm, O Abasi, tua mi mbọm,+Koro ukpọn̄ mi adade fi ke ebiet ubọhọ;+Ami nyonyụn̄ ndịbe ke mfụt mba fo tutu afanikọn̄ ebe.+
2 Ami nseme n̄kot Abasi kpa Ata Edikon̄, n̄kot ata Abasi emi anamde afanikọn̄ esịm utịt ke ntak mi.+
3 Enye eyetie ke heaven ọdọn̄ ẹdinyan̄a mi.+Enye eyetịmede owo eke okpobide mi ke inua.+ Selah.Abasi ọyọdọn̄ ima-mfọnido esie ye akpanikọ esie.+
4 Ukpọn̄ mi odu ke ufọt mme ekpe;+Nsụhọde nna ke otu mme andita, kpa nditọ owo,Emi edet mmọ ẹdide usam ye idan̄,+Edeme mmọ onyụn̄ edide edisọp akan̄kan̄.+
5 O kon̄ kan mme heaven, O Abasi;+Yak ubọn̄ fo okon̄ akan ofụri isọn̄.+
6 Mmọ ẹmesịn iyịre ẹnọ ikpat mi;+Ukpọn̄ mi etịmede.+Mmọ ẹtịbi obube ẹnịm mi ke iso;Mmọ ẹmeduọn̄ọ ẹdọn̄ọ ke esịt.+ Selah.
7 Esịt mi ọsọn̄ọ ada, O Abasi,+Esịt mi ọsọn̄ọ ada.Ami nyọkwọ edinem ikwọ.+
8 Demede, O ubọn̄ mi;+Demede, O ndido urụk; afo n̄ko, O harp.+Ami nyedemede usiere.
9 Ami nyotoro fi ke otu mme owo, O Jehovah;+Nyọkwọ edinem ikwọ nnọ fi ke otu mme idụt.+
10 Koro ima-mfọnido fo okon̄de esịm mme heaven,+Akpanikọ fo onyụn̄ esịm ikpaenyọn̄.+
11 Kon̄ kan mme heaven, O Abasi;+Yak ubọn̄ fo okon̄ akan ofụri isọn̄.
