Psalm 49;1-20
Ẹnọ adausụn̄. Eke nditọ Korah.+ Ikwọ.
49 Kpukpru mbufo ẹkop n̄kpọ emi.Ẹkpan̄ utọn̄, kpukpru mbufo mme andidụn̄ ke editịm n̄kpọ emi,+
2 Mbufo nditọ ubonowo ọkọrọ ye mbufo nditọ owo,Afo imọ owo ye ubuene.+
3 Inua mi eyetịn̄ ikọ ọniọn̄,+Esịt mi oyonyụn̄ ekere mme n̄kpọ oro ẹsịnede ifiọk.+
4 Nyọbiọn̄ utọn̄ ke n̄ke;+Nyada harp nsiak n̄ke mi.+
5 Ntak emi n̄kpefehede ndịk ke usen idiọk,+Ke ini ndudue mbon oro ẹyomde ndibọ mi itie akande mi okụk?+
6 Mbon oro ẹbuọtde idem ke mme n̄kpọ udu-uwem mmọ,+Ẹnyụn̄ ẹbụrede ẹban̄a uwak inyene mmọ,+
7 Baba owo mmọ kiet ikemeke ndifak eyenete esie,+M̀mê ndinọ Abasi ufak ibuot esie;
8 (Ndien ekọmurua ufak ukpọn̄ mmọ enen̄ede okpon+Tutu owo ikemeke ndikpe enye ke nsinsi)
9 Man enye osụk odu uwem ke nsinsi okûnyụn̄ okụt obube.+
10 Koro enye okụtde ke mbon ọniọn̄ ẹkam ẹkpakpa,+Ndisịme owo ye anana-ibuot owo ẹtatak,+Ndien mmọ ẹkpọn̄ mme n̄kpọ udu-uwem mmọ ẹnọ mbon en̄wen.+
11 Udọn̄ esịt mmọ edi yak ufọk mmimọ ẹdu ke nsinsi,+Mme tent mmimọ ẹnyụn̄ ẹdu ọtọn̄ọde ke emana kiet tutu esịm emana efen.+Mmọ ẹmeda enyịn̄ mmọ ẹsio ufọk mmọ.+
12 Ndien owo, okposụkedi enyenede ukpono, ikemeke ndika iso ndu;+Ke akpanikọ enye ebiet unam emi ẹsobode ẹfep.+
13 Emi edi usụn̄ mbon ndisịme,+Ye eke mbon oro ẹtienede mmọ edem, emi ẹnemde esịt ke ikọ mmọ. Selah.
14 Ukem nte erọn̄, ẹnịm mmọ ẹnọ Udi;*+N̄kpa eyekpeme mmọ;+Ndien ndinen owo ẹyekara mmọ ke usenubọk,+Idem mmọ oyonyụn̄ eyemede;+Mmọ kiet kiet ẹdidu ke Udi utu ke edikon̄ ebietidụn̄.+
15 Nte ededi, Abasi ayafak ukpọn̄ mi osio Udi*+ ke ubọk,Koro enye ayadara mi. Selah.
16 Kûkop ndịk koro owo enyenede inyene,+Koro ubọn̄ ufọk esie ọkọride,+
17 Koro ke ini enye akpade enye ikemeke ndida baba n̄kpọ kiet nnyọn̄;+Ubọn̄ esie iditieneke enye isụhọde.+
18 Koro enye ọkọdiọn̄de ukpọn̄ esiemmọ ke eyouwem esie;+(Ndien mme owo ẹyetoro fi koro afo anamde se ifọnde ye idemfo)+
19 Ke akpatre, ukpọn̄ esie ayakpa etiene mme ete ete esie.+Mmọ idikwe aba un̄wana.+
20 Okposụkedi owo emi mînyeneke ifiọk enyenede ukpono,+Ke akpanikọ enye ebiet unam emi ẹsobode ẹfep.+
