Psalm 28;1-9
Eke David.
28 O Jehovah, afo ke ami nseme n̄kot.+O Akwa Itiat mi, kpan̄ utọn̄ nọ mi,+Kûnyụn̄ udop mi uyo+Mbak ndikabade ntie nte mmọ eke ẹsụhọrede ke obube.+
2 Kop uyo eseme mi ke ini nsemede n̄kot fi nyom un̄wam,Ke ini mmenerede ubọk mi+ nnyan ke n̄kan̄ ata esịt esịt ubet edisana ebiet fo.+
3 Kûdụri mi ukọrọ ye mme idiọkowo ye mbon ibak,+Mbon emi ẹtịn̄de ikọ emem emem ye mme nsan̄a+ mmọ edi emi idiọk odude mmọ ke esịt.+
4 Nọ mmọ nte ekemde ye edinam mmọ+Ye nte mme idiọk edinam mmọ ẹdide.+Nọ mmọ nte ekemde ye utom ubọk mmọ.+Nọ mmọ usiene ke se mmọ ẹnamde.+
5 Koro mmọ mîdọn̄ke enyịn ke mme edinam Jehovah,+M̀mê ke mme utom ubọk esie.+Enye oyowụri mmọ idinyụn̄ ibọpke.
6 Itoro enyene Jehovah, koro enye okopde uyo eseme mi.+
7 Jehovah edi odudu mi+ ye otuekọn̄ mi.+Esịt mi ọbuọt idem ye enye,+Enye aman̄wam mi, anam esịt mi adara,+Ndien nyada ikwọ mi ntoro enye.+
8 Jehovah edi odudu ọnọ ikọt esie,+Enye onyụn̄ edi ọkpọsọn̄ ebiet akwa edinyan̄a ọnọ enye emi enye eyetde aran.+
9 Nyan̄a ikọt fo, nyụn̄ diọn̄ udeme fo;+Bọk mmọ nyụn̄ men mmọ kama ke nsinsi.+
