Psalm 129;1-8
Ikwọ Mmọ emi Ẹdọkde.
129 “Mmọ ẹmesua mi ke ata anyan ini, toto ke uyen mi,”+Ke emi yak Israel ọdọhọ ete,+
2 “Mmọ ẹmesua mi ke ata anyan ini, toto ke uyen mi;+Edi mmọ ikanke mi.+
3 Mme andifụn̄ isọn̄ ẹmefụn̄ mi edem;+Mmọ ẹmenam mme ufan̄ ebono mmọ ẹniọn̄.”
4 Jehovah edi edinen.+Enye okpok urụk mme idiọkowo n̄ken̄e n̄ken̄e.+
5 Kpukpru mmọ eke ẹsuade Zion+Ẹyekop bụt ẹnyụn̄ ẹfiak edem.+
6 Mmọ ẹyekabade ẹtie nte mbiet ọkọmufọk,+Emi asatde mbemiso ẹdịberede enye,+
7 Emi andikpen̄e ukpen̄e mîtan̄ke iyọhọ ubọk esie,+Emi owo ekededi eke atan̄de ebek mînyụn̄ itan̄ke iyọhọ ikpanesịt esie.
8 Mmọ eke ẹsan̄ade ẹbe inyụn̄ idọhọke ite:“Yak Jehovah ọdiọn̄ mbufo.+Nnyịn imọdiọn̄ mbufo ke enyịn̄ Jehovah.”+
