Job 34;1-37
34 Ndien Elihu ọbọrọ onyụn̄ ọdọhọ ete:
2 “Mbufo mbon ọniọn̄, ẹkpan̄ utọn̄ ẹkop ikọ mi;Mbufo emi ẹnyụn̄ ẹfiọkde n̄kpọ, ẹnọ mi utọn̄.
3 Koro utọn̄ odomode ikọ,+Kpa nte nsịn̄ atabide udia.+
4 Ẹyak nnyịn imek ubiereikpe inọ idem nnyịn;Ẹyak nnyịn ifiọk se ifọnde ke otu nnyịn.
5 Koro Job ọkọdọhọde, ‘Ke akpanikọ, ami mmenen,+Edi Abasi ọmọwọn̄ọde ikpe mi efep.+
6 Nte ami nsu nsu mban̄a ikpe mi?
Owo ikemeke ndikọk akamba unan mi okposụkedi mmenamke idiọkn̄kpọ.’+
7 Anie owo ebiet Job,+Emi ọn̄wọn̄de nsahi nte mmọn̄?+
8 Ndien enye aka ndidụk nsan̄a ye mbon ibakOnyụn̄ aka ndisan̄a ye mbon idiọkido.+
9 Koro enye ọkọdọhọde ete, ‘Owo inyeneke udori+Ke enye ndinem esịt ke Abasi.’
10 Ntre, mbufo emi ẹnyenede esịt ifiọk,+ ẹkpan̄ utọn̄ ẹnọ mi.
Nsa-o ata Abasi ndinam se idiọkde,+Ata Ọkpọsọn̄ ndinyụn̄ nnam se mînenke!+
11 Koro enye ọnọde owo utịp+ etiene nte enye anamde n̄kpọ,Enye oyonyụn̄ anam ọwọrọ ọnọ owo nte usụn̄ esie edide.
12 Ih, ke akpanikọ, Abasi inamke se idiọkde,+Ata Ọkpọsọn̄ inyụn̄ ikwan̄ake ikpe.+
13 Anie edeme isọn̄ ọnọ enye,Anie onyụn̄ enịm ofụri ererimbot ọnọ enye?
14 Edieke enye etịn̄de enyịn ke owo ekededi,Edieke enye ọbọde owo spirit ye ibifịk esie ada,+
15 Kpukpru obụkidem ẹyekpan̄a,Ndien owo ayafiak ke ntan.+
16 Ntre, edieke afo enyenede mbufiọk, kop n̄kpọ emi;Kpan̄ utọn̄ ke uyo ikọ mi.
17 Nte owo eke asuade unenikpe edikara,+Ndien edieke ọkpọsọn̄ owo edide edinen, nte afo ọkpọdọhọ ke enye edi idiọkowo?+
18 Nte owo ọkpọdọhọ edidem ete, ‘Afo edi obukpo owo’?
Onyụn̄ ọdọhọ mbọn̄ ete, ‘Mbufo ẹdi mme idiọkowo’?+
19 Odu Enye emi mîten̄eke mbọn̄ enyịnEmi mînyụn̄ ikereke iban̄a ọbọn̄ ikan nte ekerede aban̄a usụhọde owo,+Koro kpukpru mmọ ẹdide utom ubọk esie.+
20 Mmọ ẹkpan̄a ke idaha kiet,+ ke ufọt okoneyo;+Mmọ ẹten̄ ẹnyụn̄ ẹbe ẹfep,N̄kpọsọn̄ owo ẹnyụn̄ ẹbe ẹfep itoho ke ubọk owo.+
21 Koro enyịn esie esede usụn̄ owo,+Enye onyụn̄ okụt kpukpru ikpatisan̄ esie.
22 Ekịm m̀mê ọkpọsọn̄ ekịm idụheInọ mbon emi ẹnamde ibak ndidịbe do.+
23 Koro enye mînịmke ini inọ owo ekedediNdika ikpe ke iso Abasi.
24 Enye anuak n̄kpọsọn̄ owo+ inyụn̄ inamke ndụn̄ọde ndomokiet,Enye onyụn̄ anam mbon en̄wen ẹdaha ẹda utu ke mmọ.+
25 Ntre enye ọfiọk se mme utom mmọ ẹdide,+Enye onyụn̄ odorode mmọ osion̄o ke itie mmọ ke okoneyo, ndien mmọ ẹnuaha.+
26 Sia mmọ ẹdiọkde, enye amia mmọ ufiaKe ebiet mme andida nse;+
27 Ke ntak emi mmọ ẹwọn̄ọrede ẹtre nditiene enye,+Mmọ inyụn̄ ikereke usụn̄ esie ndomokiet,+
28 Man ẹnam eseme mme usụhọde owo esịm enye;Ntre enye okop eseme mbon ukụt.+
29 Ke ini enye anamde ifụre odu, anie ekeme ndibiom enye ikpe?
Ke ini enye onyụn̄ edịpde iso+ esie, anie ekeme ndikụt enye,Edide enye edịp idụt+ m̀mê owo kiet, ukpụhọde idụhe?
30 Mbak owo mfiakedem edikara,+Mbak mme owo ẹdinyụn̄ ẹduọn̄ọ ke ekpọ.+
31 Koro nte owo ekededi ekeme ndidọhọ Abasi,‘Mmokụt ukụt, okposụkedi mmenamke oburobụt ido;+
32 Okposụkedi mmen̄kwe n̄kpọ ndomokiet, teme mi ke idemfo;Edieke edide mmanam ukwan̄n̄kpọ,Ndinamke aba’?+
33 Nte enye edinọ fi usiene nte afo ekerede koro afo esịnde ubiereikpe,Koro edide afo emek, idịghe ami?
Tịn̄ se afo akam etịmde ọfiọk.
34 Mbon emi ẹnyenede esịt ifiọk+ ẹyedọhọ mi—Ọkọrọ owo ọniọn̄ emi akpan̄de utọn̄ ọnọ mi,
35 ‘Job etịn̄ ikọ ke unana ifiọk,+Enye inyụn̄ itịn̄ke ikọ esie ye ikike.’
36 Ete mi, yak ẹdomo Job tutu esịm akpatreKaban̄a ibọrọ emi enye ọnọde mbon ibak.+
37 Koro enye ọsọn̄de ibuot adian ye idiọkn̄kpọ esie;+Enye amia ubọk onyụn̄ etịn̄ ediwak ikọ ke iso nnyịn adian ata Abasi!”+
