Job 3;1-26
3 Ke n̄kpọ emi ama ekebe, Job atat inua esie osụn̄i usen+ esie.
2 Ndien Job ọbọrọ onyụn̄ ọdọhọ ete:
3 “Yak usen emi n̄kamanade atak,+N̄ko ye okoneyo emi owo ọkọdọhọde ete, ‘Ẹmeyomo erenowo!’
4 Amaedi usen oro, yak enye akabade edi ekịm.Yak Abasi okûtie ke enyọn̄ oyom enye,Un̄wana okûnyụn̄ asiaha ke esịt.
5 Yak ekịm ye ọkpọsọn̄ ekịm ẹfiak ẹda enye.Yak idiọk enyọn̄ odụn̄ ke esịt.Yak mme n̄kpọ emi ẹnamde usen edi ekịm ẹnam enye edịghe.+
6 Okoneyo oro—yak ekịm ada enye enyene;+Yak enye okûkop idatesịt ke otu mme usen ke isua;Yak enye okûdụk otu ibat ọfiọn̄ enyọn̄.
7 Sese! Okoneyo oro—yak enye akabade edi ada;Yak n̄kpo idara okûdụk ke esịt.+
8 Yak mme andisụn̄i usen ẹsụn̄i enye,Mbon oro ẹben̄ede idem ndidemede Leviathan.+
9 Yak mme ntantaọfiọn̄ mfụn̄mfụn̄ mbubreyo esie ẹkịm;Yak enye etie ebet un̄wana edi okûkụt;Yak enye okûnyụn̄ okụt uyama usiere.
10 Koro enye mîkesịrike usụn̄ idịbi+ eka mi,Man anam enyịn mi okûkụt afanikọn̄.
11 Ntak emi mmen̄kakpaha ke esịt itie eyen?+Ntak emi mmen̄kakpaha ke ini n̄wọrọde ke idịbi?
12 Ntak emi ẹkedoride mi ke edọn̄?Ntak emi n̄konyụn̄ n̄wapde eba?+
13 Koro n̄kposụhọde nna adan̄aemi man ndu ke ifụre;+Ini oro ke n̄kpede idap; n̄kpodu ke nduọkodudu+
14 Ye ndidem ye mme ọnọitem ke isọn̄,+Mbon emi ẹbọpde mme n̄wụre ebiet ẹnọ idemmọ,+
15 M̀mê ye mbọn̄ emi ẹnyenede gold,Mbon emi ẹdade silver ẹyọhọ ufọk mmọ;
16 Mîdịghe, nte idịbi emi obụn̄ọde+ ke ndịbe, ami n̄kpodụhe uwem,Kpa nte nditọ emi mîkwe un̄wana.+
17 Do ke afanikọn̄ mme idiọkowo etre,+Ndien do ke mbon emi ẹkpade mba ẹduọk odudu.+
18 Mbon n̄kpọkọbi ẹdu ke ifụre;Mmọ ikopke uyo owo emi enyịkde mmọ ndinam utom.+
19 N̄kpri ye ikpọ ẹdi ukem do,+Ofụn onyụn̄ ọwọrọ ke ufụn eteufọk esie.
20 Ntak emi enye ọnọde owo emi enyenede afanikọn̄ un̄wana,Onyụn̄ ada uwem ọnọ mbon oro ukpọn̄ mmọ ofụhọde?+
21 Ntak emi mbon oro ẹtiede ẹbet n̄kpa mîkpaha,+Okposụkedi emi mmọ ẹyomde enye ẹkan nte ẹyomde mme n̄kpọuto eke ẹdịbede?
22 Mbon emi ẹdatde esịt etieti,Ẹdara koro mmọ ẹkụtde udi.
23 Ntak emi enye adade un̄wana ọnọ owo emi usụn̄ esie edịbede,+Emi Abasi onyụn̄ esịnde ọkọ akan enye okụk?+
24 Koro eseme mi ebemde udia mi iso,+Mfiori eyet mi onyụn̄ ọwọrọde nte mmọn̄;+
25 Koro n̄kefehede n̄kpọndịk, edi enye emesịm mi;Se n̄konyụn̄ mfehede ndịk mban̄a emesịm mi.+
26 Ami nnyeneke ifụre, nnyụn̄ nnyeneke emem,Nnyeneke nduọkodudu, ndien ukụt osụk ededi.”
