Job 26;1-14
26 Ndien Job ọbọrọ onyụn̄ ọdọhọ ete:
2 “O se nte afo an̄wamde owo emi mînyeneke odudu!
Se nte afo anyan̄ade ubọk eke ananade odudu!+
3 Se nte afo ọnọde owo eke mînyeneke ọniọn̄+ item,Onyụn̄ anamde ekese owo ẹdiọn̄ọ ata ọniọn̄!
4 Afo etịn̄ ikọ ọnọ anie,Anie onyụn̄ ọnọ fi ibifịk ndida ntịn̄?
5 Mbon oro mînyeneke odudu ke n̄kpa ẹnyek idemKe idak mmọn̄ ye mbon emi ẹdụn̄de ke enye.+
6 Udi* ana in̄wan̄ ke iso esie,+N̄kpọ inyụn̄ idụhe eke ofụkde ebiet nsobo.
7 Enye anyanade edem edere ebri ke ukpọk ebiet,+Ọkọn̄ isọn̄ ke ikpîkpu;
8 Ada obubịt enyọn̄+ esie ọbọp mmọn̄,Mbak obubịt enyọn̄ edisiaha ke idak esie;
9 Enye ekwi iso ebekpo,Atat obubịt enyọn̄+ esie ofụk enye.
10 Enye ewet ekara ke iso mmọn̄,+Ke ebiet emi un̄wana osopde ibuot ye ekịm.
11 Mme adaha heaven ẹnyen̄e,Ndien idem akpa mmọ ke ntak nduari esie.
12 Enye ada odudu etịmede inyan̄,+Ndien ada mbufiọk esie anuak andisịn editịm*+ mbai mbai.+
13 Enye ada ofụm esie abana heaven,+Ubọk esie emekịm ọsọp-usọp urụkikọt.+
14 Sese! Emi edi ekpri ke otu se ubọk esie anamde,+Ndien se ẹkopde ẹban̄a enye ekpri didie ntem!
Edi anie ekeme ndifiọk ọkpọsọn̄ obuma esie?”+
