Job 22;1-30
22 Ndien Eliphaz owo Teman ọbọrọ onyụn̄ ọdọhọ ete:
2 “Ndi owo ekeme ndinyene ufọn nnọ Abasi,+Man owo ekededi emi enyenede ikike enyene ufọn ọnọ enye?
3 Nte Ata Ọkpọsọn̄ okop inemesịt ndomokiet ke afo ndidi edinen,+Mîdịghe nte enye okụt udori ekededi koro afo mûnyeneke nduduọhọ ke usụn̄ fo?+
4 Nte enye ayasua ọnọ fi koro afo eten̄ede enye,Nte enye ayada ke ikpe ye afo?+
5 Nte idiọkn̄kpọ fo ikam iwakke-wak ikaha,+Ndien nte mme ndudue fo idinyeneke utịt?
6 Koro afo ọbọde nditọete fo ubiọn̄ ke unana ntak,+Onyụn̄ osion̄ode mbon emi ẹsan̄ade iferi ọfọn̄.
7 Afo unọhọ owo emi akpade mba mmọn̄ ọn̄wọn̄,Omonyụn̄ esịn ndinọ owo ọbiọn̄ udia.+
8 Amaedi owo emi enyenede odudu, isọn̄ edi esie,+Ndien owo eke ẹten̄ede enye enyịn odụn̄ ke esịt.
9 Afo ọmọnọ mme ebeakpa ẹnyọn̄ ubọk ubọk,Onyụn̄ obụn̄ nditọakpa ubọk.+
10 Ntak edi oro mme afia inuen ẹkande fi ẹkụk,+Mbabuat n̄kpọndịk ẹnyụn̄ ẹfịnade fi;
11 M̀mê ekịm, man afo okûkụt usụn̄,Akamba mmọn̄ onyụn̄ ofụkde fi.
12 Nte Abasi ikon̄ke nte heaven?+N̄ko se ofụri ibat ntantaọfiọn̄,+ nte mmọ ẹkon̄de.
13 Edi afo akam ọdọhọ ete: ‘Nso ke Abasi ọfiọk?
Nte enye ekeme nditie ke ọkpọsọn̄ ekịm n̄kpe ikpe?
14 Ikpaenyọn̄ edi ebiet emi ofụkde enye mbak enye edikụt n̄kpọ,Enye onyụn̄ asan̄a akanade ikpaenyọn̄.’
15 Nte afo edisan̄a ke usụn̄ esetOro mbon ibak ẹkesan̄ade,
16 Mbon emi ẹwabarede ẹbọ ke adan̄aemi ini mmọ mîka-ikemke,+Emi ẹn̄wan̄ade itiat idakisọn̄+ mmọ ẹduọk nte akpa mmọn̄,
17 Emi ẹdọhọde ata Abasi ẹte: ‘Wọn̄ọde kpọn̄ nnyịn!+Nso ke Ata Ọkpọsọn̄ onyụn̄ ekeme ndinam nnyịn?’
18 Enye amada nti n̄kpọ ọyọhọ ufọk mmọ;+Ami nnyụn̄ nnyeneke n̄kpọ ndinam ye item mme idiọkowo.+
19 Ndinen owo ẹyekụt ẹnyụn̄ ẹdat esịt,+Ndien owo eke mîduehe ayasak mmọ nsahi:
20 ‘Ke akpanikọ ẹmesobo mme asua nnyịn ẹfep;Ikan̄ oyonyụn̄ ata se isụhọde ke otu n̄kpọ mmọ.’
21 Mbọk, mehe ye enye, nyụn̄ tie ke emem;Ndien nti n̄kpọ ẹyedi ẹbịne fi.
22 Mbọk, bọ enye ibet ke inua,Nyụn̄ sịn ikọ esie ke esịt+ fo.
23 Edieke afo afiakde etiene Ata Ọkpọsọn̄,+ afo ayadaha ada;Edieke afo edinịmde ukwan̄ido oyom usụn̄ ọkpọn̄ tent fo,
24 Edieke afo edinyụn̄ enịmde ọsọn̄urua mbat ukwak ke ntanYe gold Ophir+ ke itiat itịghede mmọn̄,
25 Ata Ọkpọsọn̄ ayakabade n̄ko edi ọsọn̄urua mbat ukwak fo,Ye ata ọsọn̄urua silver ọnọ fi.+
26 Koro adan̄aoro afo eyenen̄ede adat esịt ke Ata Ọkpọsọn̄,+Afo oyonyụn̄ emenede iso fo ese Abasi.+
27 Afo eyekpe enye ubọk, ndien enye oyokop;+Afo oyonyụn̄ osio akan̄a fo.+
28 Ndien afo eyebiere n̄kpọ, enye oyonyụn̄ ọsọn̄ọ ada ọnọ fi;Un̄wana oyonyụn̄ ayama ke usụn̄ fo.+
29 Koro ẹyesuene fi ke ini afo etịn̄de ikọ ke ntan̄idem;+Edi enye ayanyan̄a owo eke osụhọrede idem.+
30 Enye ayanyan̄a owo eke mîduehe,+Ndien ẹyenyan̄a fi koro ubọk fo asanade.”+
