Job 21;1-34
21 Ndien Job ọbọrọ onyụn̄ ọdọhọ ete:
2 “Mbufo ẹtịm ẹkpan̄ utọn̄ ẹkop ikọ mi,Yak emi onyụn̄ akabade edi ndọn̄esịt ọnọ mbufo.
3 Mbufo ẹyọ mi, ndien ami nyetịn̄ ikọ;Ndien mma ntịn̄ mma mbufo kiet kiet ẹmekeme ndisak.+
4 Nte ami nseme mfịna mi nnọ owo?
Edieke edide ntre ntak emi ami mmede ime?
5 Mbufo ẹwọn̄ọde iso ẹwụt mi ẹnyụn̄ ẹwụk enyịn ẹse mi ke n̄kpaidem,Ẹnyụn̄ ẹda ubọk ẹfụk inua mbufo.+
6 Ndien edieke ntide, esịt etịmede mi n̄ko,Obụkidem mi onyụn̄ enyek.
7 Ntak emi mme idiọkowo ẹdude uwem,+Ẹkọride ẹsọn̄, ẹnyụn̄ ẹnyenede inyene ẹkan?+
8 Nditọ mmọ ẹsọn̄ọ ẹdu mmọ ke iso,Mme ubon mmọ ẹnyụn̄ ẹdu mmọ ke iso.
9 Mme ufọk mmọ ẹdu ke emem, ẹnana ndịk,+Eto Abasi inyụn̄ idoroke mmọ ke idem.
10 Ayara enan̄ esie odoro uman, inyụn̄ ibahake nsene esie;Enan̄ esie aman+ inyụn̄ iwakke eyen.
11 Mmọ ẹsio nditọwọn̄ mmọ ẹdọn̄ nte otuerọn̄,Nditọiren mmọ ẹnyụn̄ ẹfrọ ẹkanade.
12 Mmọ ẹka iso ẹmenede uyo mmọ ke ekọmọ ye harp,+Ẹnyụn̄ ẹdara ke uyom ifiom.
13 Mmọ ẹkụt mfọnọn̄kpọ ke mme usen mmọ,+Ndien mmọ ẹsọsọp ẹsụhọde ke Udi.*
14 Ndien mmọ ẹdọhọ ata Abasi ẹte, ‘Wọn̄ọde kpọn̄ nnyịn!+Nnyịn inyụn̄ ikwe inem ke ndifiọk mme usụn̄ fo.+
15 Ata Ọkpọsọn̄ edi nso eke nnyịn ikpanamde n̄kpọ esie,+Nso ufọn ke nnyịn inyụn̄ ibọ ke ndikpe enye ubọk?’+
16 Sese! Mfọnọn̄kpọ mmọ itoho odudu mmọ.+Ami nnyeneke n̄kpọ ndinam ye item mme idiọkowo.+
17 Ikafan̄ ke ẹnịme utuenikan̄ mme idiọkowo,+Ikafan̄ ke afanikọn̄ mmọ onyụn̄ esịm mmọ?
Ikafan̄ ke enye ada nsobo edi ke iyatesịt esie?+
18 Nte mmọ ẹkabade ẹtie nte nnyanyan̄a ke iso ofụm,+Ẹnyụn̄ ẹtie nte mbio oro oyobio asuande ọduọn̄ọ?
19 Abasi eyenịm ibak emi owo anamde ọnọ nditọ owo oro;+Enye oyosio enye usiene man enye okụt.+
20 Enyịn esie oyokụt mbiara esie,Enye oyonyụn̄ ọn̄wọn̄ ifụtesịt Ata Ọkpọsọn̄.+
21 Koro nso idatesịt ke enye edinyene ke ufọk esie ke enye ama akakpa,Ke ini ẹsịbede ibat ọfiọn̄ esie iba?+
22 Nte enye eyekpep Abasi ifiọk,+Ke ini Enye ekpede ikpe ọnọ mbọn̄?+
23 Owo emi ayakpa ke ini n̄kpọ enen̄erede ọfọn ye enye,+Ke ini enye odude ke ọyọhọ ifụre ye emem;
24 Ke ini ikpọn̄ ọyọhọde enye ifụhiNdiaọkpọ esie onyụn̄ ebịtde.
25 Ndien owo eken ayakpa ye ndotndot ukpọn̄
Ke ini enye mîdiaha nti n̄kpọ.+
26 Mmọ ẹyesụhọde ẹna ọtọkiet ke ntan+Ndọn̄ ẹyenyụn̄ ẹfụk mmọ idem.+
27 Sese! Ami mmetịm mfiọk ekikere mbufoYe mme uduak eke mbufo ẹduakde ndinam mi afai.+
28 Koro mbufo ẹdọhọde ẹte, ‘Ufọk ọbọn̄ odu m̀mọ̀n̄,Ndien tent, kpa ebietidụn̄ mme idiọkowo, odu m̀mọ̀n̄?’+
29 Nte mbufo ibụpke mbonisan̄ usụn̄?
Nte mbufo inyụn̄ itịmke ise mme idiọn̄ọ mmọ,
30 Nte ke ẹtua idiọkowo mbọm ke usen afanikọn̄,+Ẹnyụn̄ ẹnyan̄a enye ke usen iyatesịt?
31 Anie edida enye ke iso+ etịn̄ usụn̄ esie ọnọ enye?
Anie edinyụn̄ ọnọ enye utịp ke se enye anamde?+
32 Amaedi enye, ẹyeda enye ẹsụhọde ke udi,+Ẹyenyụn̄ ẹtaba idap ẹtie ẹkpeme udi.
33 Ebok ntan itịghede mmọn̄ ayakabade enịn̄e,+Enye oyonyụn̄ odụri ofụri ubonowo etiene idemesie,+Ndien mbon oro ẹkebemde enye iso inyeneke ibat.
34 Ntre edi ikpîkpu didie ntem mbufo ndidomo ndidọn̄ mi esịt,+Mme ibọrọ mbufo ẹtie nte unana edinam akpanikọ!”
Mme Ikọ Idakisọn̄
^ Heb., “Sheol.”
