Isaiah 52;1-15
52 Demede, demede, men odudu fo sịne,+ O Zion! Men ndiye ọfọn̄idem+ fo sịne O Jerusalem, edisana obio!+ Koro owo emi mînaha mbobi ye owo emi edehede iditọn̄ọke aba ntak idụk ke esịt fo.+
2 Ken̄ ntan fep ke idem,+ daha ke enyọn̄, da itie, O Jerusalem. Tat n̄kpọkọbi* ke itọn̄ fo fep, O eyenan̄wan Zion emi ẹkedade ẹka ntan̄mfep.+
3 Koro ntem ke Jehovah ọdọhọ ete: “Owo ikanyamke mbufo ke okụk,+ owo idinyụn̄ idaha okụk ifak mbufo.”+
4 Koro ntem ke Jehovah Akakan Ọbọn̄ Andikara ọdọhọ ete: “Ikọt mi ẹkebem iso ẹsụhọde ẹka Egypt ndikodụn̄ do nte isenowo;+ ndien amaedi Assyria, enye ekefịk mmọ ke unana ntak.”
5 “Ndien ke emi, nso udori ke ami ndia?” uyo Jehovah edi emi. “Koro ẹkemụm ikọt mi ke ikpîkpu.+ Mbon oro ẹkarade mmọ ẹma ẹfiori n̄kpo,”+ uyo Jehovah edi emi, “ndien ẹma ẹsuene enyịn̄ mi kpukpru ini, ofụri usen.+
6 Ke ntak oro ikọt mi ẹyefiọk enyịn̄ mi,+ kpa ke ntak oro ke usen oro, koro ami ndi Enye emi etịn̄de ikọ.+ Sese! Edi ami.”
7 Ikpat+ owo emi adade eti mbụk+ edi ke enyọn̄ ikpọ obot eye didie ntem, enye emi ọkwọrọde emem,+ enye emi adade eti mbụk eti n̄kpọ edi,+ enye emi ọkwọrọde edinyan̄a,+ enye emi ọdọhọde Zion ete: “Abasi fo amakabade edi edidem!”+
8 Kpan̄ utọn̄! Mbon ukpeme+ fo ẹmenede uyo mmọ.+ Mmọ ẹsụk ẹsio n̄kpo idara ye uyo kiet; koro mmọ ẹyeda enyịn+ ẹkụt ini emi Jehovah edifiakde atan̄ Zion obon.+
9 Mbufo mme n̄wụre ebiet Jerusalem,+ ẹdat esịt ẹnyụn̄ ẹsio n̄kpo idara ye uyo kiet, koro Jehovah ọmọdọn̄ ikọt esie esịt;+ enye amafak Jerusalem.+
10 Jehovah omofụhọde edisana ubọk esie ke iso kpukpru mme idụt;+ ndien kpukpru mme utịt isọn̄ ẹyekụt edinyan̄a Abasi nnyịn.+
11 Ẹfiak edem, ẹfiak edem, ẹwọn̄ọ do,+ ẹkûtụk n̄kpọ ndek+ baba kiet; ẹwọn̄ọ ke esịt esie,+ ẹnam idem mbufo asana, mbufo emi ẹbiomde n̄kpoduoho ufọk Jehovah.+
12 Koro mbufo idiwọrọke ke nnyekidem, idinyụn̄ inyọn̄ke itọk itọk.+ Koro Jehovah eyebem mbufo iso aka,+ Abasi Israel oyonyụn̄ odu ke edem ekpeme mbufo.+
13 Sese! Asan̄autom mi+ ayanam n̄kpọ ye ikike.+ Enye oyodu ke akamba itie, ndien ẹyemenede enye ke enyọn̄ ẹnyụn̄ ẹnam enye okon̄ etieti.+
14 Adan̄a nte ediwak owo ẹkesede enye ke n̄kpaidem+—iso esie ama abiara+ akan eke owo ekededi ndien uyai+ esie ama abiara akan eke nditọ owo—
15 kpasụk ntre ke enye edinam idem akpa ediwak idụt.+ Ndidem ẹyekịbi inua mmọ ke ntak esie,+ koro mmọ ẹyekụt se owo mîketịn̄ke inọ mmọ, ndien mmọ ẹyekere ẹban̄a se mmọ mîkokopke.+
Mme Ikọ Idakisọn̄
^ M̀mê, “urụk.”
