Genesis 3;1-24
3 Ndien urụkikọt+ enyene mbufiọk+ akan kpukpru unam ikọt emi Jehovah Abasi akanamde.+ Ekem enye obụp n̄wan oro ete:+ “Nte enen̄ede edi akpanikọ ke Abasi ọkọdọhọ mbufo ẹkûdia kpukpru eto ke in̄wan̄ emi?”+
2 Ntem n̄wan oro ọbọrọ urụkikọt oro ete: “Nnyịn imekeme ndidia+ mme mfri eto in̄wan̄ emi.
3 Edi amaedi mfri eto emi odude ke ufọt in̄wan̄,+ Abasi ọkọdọhọ ete, ‘Mbufo ẹkûdia enye, ẹkûnyụn̄ ẹtụk enye, mbak ẹdikpan̄a.’”+
4 Ntem urụkikọt oro ọdọhọ n̄wan oro ete: “Mbufo idikpaha n̄kpa.+
5 Koro Abasi ọmọfiọk ete ke usen eke mbufo ẹdidiade, enyịn mbufo ayatara, mbufo ẹyenyụn̄ ẹtie nte Abasi, ẹfiọk eti ye idiọk.”+
6 Mmọdo n̄wan oro okụt nte eto oro ọfọnde ke udia onyụn̄ ọdọn̄de owo ndise onyụn̄ eyede ndikụt.+ Ntre enye ekịbi mfri esie adia. Ekem, ke ini enye odude ye ebe esie, enye ada ndusụk mfri oro ọnọ ebe esie ndien enye adia.+
7 Ndien enyịn mmọ mbiba ẹtara, mmọ ẹnyụn̄ ẹfiọk ke mmimọ ikedi iferi.+ Ntre mmọ ẹkịm mme ikọn̄ fig ẹdian ọtọkiet ẹkụne ke isịn.+
8 Ekem mmọ ẹkop uyo Jehovah Abasi nte Enye asan̄ade ke in̄wan̄ ke mfụt mbubreyo,*+ ndien owo oro ye n̄wan esie ẹfen̄e ẹkpọn̄ iso Jehovah Abasi ẹkedịbe ke otu eto in̄wan̄.+
9 Ndien Jehovah Abasi ọdọdiọn̄ okot owo oro onyụn̄ obụp enye ete: “Afo odu m̀mọ̀n̄?”+
10 Ke akpatre enye ọbọrọ ete: “N̄kokop uyo fo ke in̄wan̄, edi ndịk ama anam mi sia n̄kedide iferi, ntre n̄kedịbe.”+
11 Ekem enye obụp ete: “Anie akasian fi ete ke edi iferi?+ Nte afo ama adia eto emi n̄kowụkde fi nte okûdia?”+
12 Owo oro ọbọrọ ete: “N̄wan oro afo ọkọnọde ete odu ye ami ọkọnọ mi mfri eto oro ndien ami ndia.”+
13 Ndien Jehovah Abasi obụp n̄wan oro ete: “Nso ke afo anam emi?” Ndien, n̄wan oro ọbọrọ ete: “Urụkikọt akabian̄a mi ndien ami ndia.”+
14 Ndien Jehovah Abasi ọdọhọ urụkikọt+ ete: “Koro afo anamde emi, ẹmesụn̄i fi ke otu kpukpru ufene ye unam ikọt. Afo ayasan̄a ke idịbi onyụn̄ adia ntan ke ofụri eyouwem fo.+
15 Ndien ami+ nyesịn usua+ ke ufọt fo+ ye n̄wan+ ye ke ufọt mfri+ fo ye mfri+ esie. Enye+ ayanuak fi+ ibuot,+ afo+ oyonyụn̄ anuak enye+ nditịn̄ikpat.”+
16 Enye ọdọhọ n̄wan oro ete: “Nyanam fi enen̄ede okop ubiak ke ini asan̄ade ye idịbi;+ ke ubiak ke afo ediman nditọ,+ afo eyenyene ọkpọsọn̄ udọn̄ ke idem uberi, enye oyonyụn̄ akara fi.”+
17 Ndien enye ọdọhọ Adam ete: “Koro okokopde uyo n̄wan fo onyụn̄ adiade mfri eto emi n̄kowụkde+ fi nte, ‘Kûdia,’ ẹmesụn̄i isọn̄ ke ntak fo.+ Ke ubiak ke afo edidia mbun̄wụm isọn̄ ke ofụri eyouwem fo.+
18 Ndien mme eto n̄kukịm ye mbaraekpe ẹyetịbe ẹnọ fi,+ ndien afo ayadia ikọn̄ ikọt.
19 Ke ibibiak iso fo ke afo edidia udia tutu afo afiak ke ntan, sia ẹkesiode fi do.+ Koro afo edide ntan, oyonyụn̄ afiak ke ntan.”+
20 Ke emi ama ekebe, Adam osio n̄wan esie enyịn̄ Eve,+ sia enye edidide eka kpukpru mme andidu uwem.+
21 Ndien Jehovah Abasi ada ikpa unam anam anyan ewụra ọnọ Adam ye n̄wan esie ete mmọ ẹsịne.+
22 Jehovah Abasi onyụn̄ ọdọhọ ete: “Sese, owo amakabade etie nte nnyịn ke ndifiọk eti ye idiọk,+ mmọdo mbak enye edinyan ubọk ekịbi mfri eto uwem+ n̄ko adia onyụn̄ odu uwem ke nsinsi,—”
23 Ntem Jehovah Abasi ebịn enye osio ke in̄wan̄ Eden+ man okofụn̄ isọn̄ emi ẹkesiode enye.+
24 Ntre enye ebịn owo oro osio, onyụn̄ enịm mme cherub+ ye akan̄kan̄ emi asakde ikan̄ onyụn̄ oyụtde akanade kpukpru ini, ke edem usiahautịn in̄wan̄ Eden,+ man ẹkpeme usụn̄ eto uwem.
Mme Ikọ Idakisọn̄
^ At. Ed., “ini emi ofụm ofụmede ke uwemeyo.”
