Exodus 15;1-27
15 Ekem Moses ye nditọ Israel ẹkwọ ikwọ emi ẹnọ Jehovah ẹnyụn̄ ẹdọhọ ẹte:+“Yak n̄kwọ nnọ Jehovah, koro enye okon̄de etieti.+Enye omotop enan̄-mbakara ye andiwat enye ọduọk ke inyan̄.+
2 Jah edi odudu ye ukeme mi,+ sia enye anyan̄ade mi.+Abasi mi edi emi, nyotoro enye;+ Abasi ete mi,+ nyokpono enye.+
3 Jehovah edi okop-odudu owoekọn̄.+ Enyịn̄ esie edi Jehovah.+
4 Enye otop mme chariot Pharaoh ye udịmekọn̄ esie ọdọn̄ ke inyan̄,+Nti mbonekọn̄ esie ẹnyụn̄ ẹden̄ ke Ididuot Inyan̄.+
5 Mbufụt mmọn̄ ofụk mmọ;+ mmọ ẹden̄ ke udem nte itiat.+
6 O Jehovah, ubọk nnasia fo omokop odudu,+O Jehovah, ubọk nnasia fo ekeme ndinuak asua mbai mbai.+
7 Afo amada akwa ubọn̄ fo osobo mmọ emi ẹdahade ẹda ẹn̄wana ye afo;+Afo ọmọdọn̄ ikan̄-ikan̄ iyatesịt fo, enye ata mmọ nte nnyanyan̄a.+
8 Ibifịk ibuo fo+ akanam mmọn̄ adaha ada;Mmọn̄ akadaha ada nte ukpehemmọn̄;Mbufụt mmọn̄ okoboho ke esịt inyan̄.
9 Asua ọkọdọhọ ete, ‘Nyebịne mmọ!+ Nyesịm mmọ!+Nyedeme mbụme!+ Mmọ ẹyeyụhọ ukpọn̄ mi!Nyosio akan̄kan̄ mi! Ubọk mi eyebịn mmọ efep!’+
10 Afo efri ibifịk fo,+ inyan̄ ọtọ ofụk mmọ;+Mmọ ẹden̄ nte n̄ket ke akamba mmọn̄.+
11 Anie ke otu mme abasi ebiet fi, O Jehovah?+Anie ebiet fi, afo emi edisana ido fo okponde?+Enye emi ẹten̄ede+ ke ikwọ itoro,+ Enye emi anamde mme utịben̄kpọ.+
12 Afo anyan ubọk nnasia fo,+ ndien isọn̄ emen mmọ emen.+
13 Afo ke ima-mfọnido fo amada mbon emi afo akanyan̄ade usụn̄;+Afo ayada odudu fo ada mmọ usụn̄ ekesịm edisana ebietidụn̄ fo.+
14 Mme owo ẹyekop,+ ẹnyụn̄ ẹnyek idem;+Ubiak uman+ oyomụm mme andidụn̄ Philistia.
15 Ke ini oro ndịk ayanam mbọn̄ Edom;Amaedi n̄kpọsọn̄ ndidem Moab, idem eyenyek mmọ.+Esịt ọyọduọ+ kpukpru mme andidụn̄ Canaan.
16 Ndịk ayanam mmọ, mbọribọ oyonyụn̄ omụm mmọ.+Akwa ubọk fo ayanam mmọ ẹdobo ẹna nte itiat,Tutu ikọt fo+ ẹsan̄a ẹbe, O Jehovah,Tutu ikọt fo emi afo okobotde+ ẹsan̄a ẹbe.+
17 Afo ayada mmọ edi onyụn̄ ọtọ mmọ ke obot emi enyenede fi,+Ebiet emi afo akanamde ete edi ebietidụn̄ fo,+ O Jehovah,Edisana ebiet+ emi ubọk fo okowụkde, O Jehovah.
18 Jehovah ayakara nte edidem ke nsinsi nsinsi.+
19 Ke ini mme enan̄-mbakara Pharaoh+ ye mme chariot ekọn̄ esie ye mbonekọn̄ esie emi ẹwatde enan̄-mbakara ẹdụkde inyan̄,+Do Jehovah anam mmọn̄ inyan̄ ofụk mmọ,+Ke adan̄aemi nditọ Israel ẹsan̄ade ke edisat isọn̄ ẹbe ke ufọt inyan̄.”+
20 Ndien Miriam, prọfet an̄wan, adiahaeka Aaron,+ emen ekọmọ;+ kpukpru iban ẹnyụn̄ ẹmen ekọmọ ẹtiene enye ke edem ke ẹnek unek.+
21 Ndien Miriam ọbọ irenowo ikwọ ete:+
“Ẹkwọ ẹnọ Jehovah,+ koro enye okon̄de etieti.+Enye omotop enan̄-mbakara ye andiwat enye ọduọk ke inyan̄.”+
22 Ekem Moses anam Israel ẹdaha ke Ididuot Inyan̄, ndien mmọ ẹka wilderness Shur+ ẹnyụn̄ ẹsan̄a usen ita ke wilderness, edi ikwe mmọn̄.+
23 Ekem mmọ ẹdisịm Marah,+ edi ikemeke ndin̄wọn̄ mmọn̄ Marah sia enye odorode-doro. Ntak edi oro enye okotde enye Marah.+
24 Ndien mmọ ẹtọn̄ọ ndisụk Moses uyo+ ẹte: “Nnyịn idin̄wọn̄ nso?”
25 Ekem enye eseme ọnọ Jehovah.+ Ndien Jehovah owụt enye eto kiet, ndien enye owụbede eto oro otop esịn ke mmọn̄ ndien mmọn̄ akabade enem.+
Ndien Enye ọnọ mmọ ewụhọ ye ibet do onyụn̄ odomo mmọ ese.+
26 Ndien enye ọdọhọ ete: “Edieke afo editịmde okop uyo Jehovah Abasi fo edinyụn̄ anamde se inende enye ke enyịn onyụn̄ akpan̄de utọn̄ ke mme ibet esie onyụn̄ enịmde kpukpru mme ewụhọ esie,+ ami ndidaha udọn̄ọ oro n̄kadade ntiene nditọ Egypt ntiene fi;+ koro edi ami Jehovah nnam udọn̄ọ okụre fi.”+
27 Ekem mmọ ẹdisịm Elim, emi idịm mmọn̄ duopeba ye eyop ata ye duop ẹdude.+ Ntre mmọ ẹnam nna do ke mben mmọn̄ oro.
