2 Samuel 6;1-23
6 Ekem David ọtọn̄ọ ntak obon kpukpru nti n̄kparawa ke Israel,+ owo tọsịn edịp ye duop.
2 Ndien David ye kpukpru owo oro ẹdude ye enye ẹdaha ẹka Baale-judah+ man ẹkemen ekebe+ ata Abasi, kpa ekebe emi ẹkotde ẹdian enyịn̄+ Jehovah mme udịm+ emi etiede ke mme cherub.+
3 Ndien mmọ ẹmen ekebe ata Abasi oro ẹdori ke obufa ukpatn̄kpọ,+ man mmọ ẹmen enye ẹsio ke ufọk Abinadab,+ emi okodude ke obot; Uzzah ye Ahio,+ nditọ Abinadab ẹnyụn̄ ẹda ekebe oro usụn̄.
4 Ntre ke mmọ ẹmen ekebe oro ke ufọk Abinadab, emi okodude ke obot—ẹsan̄a ye ekebe ata Abasi; ndien Ahio ebem Ekebe iso.
5 Ndien David ye ofụri ufọk Israel ẹdara ke iso Jehovah, ẹkama kpukpru orụk n̄kpọmbre emi ẹdade eto juniper ẹnam ye harp+ ye ndido urụk+ ye ekọmọ+ ye nsak ye usan n̄kukwak.+
6 Ndien mmọ ẹsan̄a tutu ẹdisịm ọtọ udịghi wheat Nacon, ndien Uzzah+ osio ubọk omụm ekebe ata Abasi,+ koro mme enan̄ ẹma ẹkpere ndinam enye odorode ọduọ.
7 Ntem Jehovah ayat esịt+ etieti ye Uzzah, ata Abasi onyụn̄ ọtọ enye ọduọk+ do ke isọn̄ ke ntak edinam esie oro mîkowụtke uten̄e Abasi, ntre enye akpa ana do ekpere ekebe ata Abasi.+
8 Ndien David ayat esịt koro Jehovah okobụmerede owot Uzzah, ndien ẹkot ebiet oro Perez-uzzah tutu esịm mfịn emi.+
9 Ndien ndịk Jehovah+ anam David ke usen oro, enye onyụn̄ ọdọhọ ete: “Ekebe Jehovah edinam didie edi ke ọtọ mi?”+
10 Ndien David inyịmeke ndimen ekebe Jehovah nnyọn̄ ọtọ esie ke Obio David.+ Ntre David anam ẹmen ekebe oro ẹwaha ẹkenịm ke ufọk Obed-edom,+ owo Gath.+
11 Ndien ekebe Jehovah odu ke ufọk Obed-edom owo Gath ọfiọn̄ ita; ndien Jehovah ọdiọn̄+ Obed-edom ye ofụri mbonufọk esie.+
12 Ekem ẹdisian Edidem David ẹte: “Jehovah ọmọdiọn̄ ufọk Obed-edom ye kpukpru se enye enyenede ke ntak ekebe ata Abasi.” Ntem David adaha ekemen ekebe ata Abasi osio ke ufọk Obed-edom ọdọk aka Obio David ye idara.+
13 Ndien edikem ke mme andibiom+ ekebe Jehovah ẹma ẹkesan̄a ikpat itiokiet, enye ọsọsọp awa enan̄ ye unam emi enyenede isek.+
14 Ndien David ọyọrọ unek ke iso Jehovah ke ofụri odudu esie, onyụn̄ esịne ephod+ linen ke ofụri ini emi.
15 Ndien David ye ofụri ufọk Israel ẹmen ekebe+ Jehovah ẹdọk ẹdi ye n̄kpo idara+ ye uyom nnụk.+
16 Edikem ke ini ekebe Jehovah odụkde Obio David, Michal,+ eyen Saul, osio iso ke window okụt nte Edidem David ọfrọde onyụn̄ ọyọrọde unek ke iso Jehovah; ndien enye ese edidem ke ndek+ ke esịt esie.+
17 Ntre mmọ ẹmen ekebe Jehovah ẹdụk ẹdi ẹdinịm ke itie esie ke esịt tent oro David okowụkde ọnọ enye;+ ekem David awa edifọp uwa+ ye uwa ebuana+ ke iso Jehovah.
18 Ke ini David okụrede ndiwa edifọp uwa ye uwa ebuana, enye ndien ada enyịn̄ Jehovah+ mme udịm ọdiọn̄+ mme owo.
19 N̄ko-n̄ko enye edeme+ ekara edisan̄ uyo ye uyo emi ẹdade date ẹnam ye ebok edisat grape*+ ọnọ kpukpru owo, ofụri otu Israel, iren ye iban, ndien kpukpru owo ẹnyọn̄ọ ufọk mmọ.
20 Ekem David ọnyọn̄ aka ndikọm mbonufọk esie,+ ndien Michal,+ eyen Saul ọwọrọ edisobo ye David onyụn̄ ọdọhọ enye ete: “N̄kọm edidem Israel ọkọnọ idemesie ubọn̄ mfịn+ ke ini enye okofụhọrede idem ke iso ifịn iban ikọt esie, kpa nte kiet ke otu mme anana-ibuot owo ofụhọrede idem ke an̄wa!”+
21 Ntem David ọbọrọ Michal ete: “Ekedi ke iso Jehovah, emi ekemekde mi enịm,+ utu ke ndimek ete fo ye ofụri ufọk esie, ete ndi adausụn̄ nnọ ikọt Jehovah kpa Israel, ndien ami nyanam idara ke iso Jehovah.+
22 Ndien nyenịm idemmi ke usụhọde n̄kan emi,+ nnyụn̄ nnịm idemmi ke ekpri; ndien amaedi ifịn iban emi afo etịn̄de aban̄a, nyada mmọ nnọ idemmi ubọn̄.”+
23 Ndien Michal+ eyen Saul imanke eyen tutu esịm usen emi enye akpade.
Mme Ikọ Idakisọn̄
^ “Mfri vine.”
