Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Utomufọk Awak Akaha

Utomufọk Awak Akaha

Se afo ekemede ndinam

Nyene ebiet emi esitiede ekpep n̄kpọ. Ikpanaha ayak n̄kpọ etịmede fi do. Tie ke okpokoro edieke ekemede. Kûdomo TV.

Ini etie nte enan̄-mbakara emi ọsọpde itọk—ana ẹkpekpeme nte ẹdade enye ẹnam n̄kpọ

Bem iso nam se idide akpan n̄kpọ. Sia ufọkn̄wed edide akpan n̄kpọ ọnọ fi, biere ke eyebem iso okụre utomufọk oro ẹkenọde fi.

Kûsịk unịm. Nịm ini emi edisinamde utomufọk, nyụn̄ nam enye ke ini oro ekenịmde.

Biere se edinamde. Biere m̀mê nso ke ekpebem iso anam, m̀mê ewe ekpedi udiana, ye ntre ntre. Wet mmọ sịn ke n̄wed, nyụn̄ wet udomo ini oro edidade anam mmọ kiet kiet. Sọhi enye oro okụrede fep.

Siduọk odudu. Edieke ekikere oyode fi aka n̄kpọ en̄wen, da ekpri ini duọk odudu. Edi kûduọk odudu ebịghi akaha; fiak kanam utomufọk fo.

Nịm ke emekeme ndidi eti eyen ufọkn̄wed. Ti ke se ẹsidade ẹdiọn̄ọ ke owo edi eti eyen ufọkn̄wed edi nte enye esịnde idem ekpep n̄kpọ, idịghe ifiọk ibuot esie. (Mme N̄ke 10:4) Nịm ke emekeme ndidiọn̄ọ n̄wed edieke esịnde idem ekpep.