Be ka se isịnede

Be ka udiana n̄kpọ

Mme Ntiense Jehovah

Efịk

N̄KPARAWA OWO ẸBỤP

Nso ke N̄kpanam man Nside Idap Ofọn?

Nso ke N̄kpanam man Nside Idap Ofọn?

Bible ọdọhọ ete: “Esisịt nduọkodudu ọfọn akan ekese ọkpọsọn̄ utom.” (Ecclesiastes 4:6) Edieke mûdehe idap ọfọn, udukemeke ndinam se akpanade anam.

  • “Mmendehe idap ọfọn, nsikemeke ndikere n̄kpọ ọfọn. Esisọn̄ mi nditịn̄ enyịn ke se ededi oro nnamde!”—Rachel, eyen isua 19.

  • “Etimia n̄kanika iba uwemeyo, idem esinen̄ede emem mi tutu n̄kpere ndide ke ini nsụk nnemede nneme ye owo!”—Kristine, eyen isua 19.

Ndi akpama ndide idap ọfọn? Kop mi se ndusụk ubọkn̄ka fo ẹnamde.

Babak dụk idap. Catherine emi edide isua 18 ọdọhọ ete: “Mmesidomo ndidụk idap ke eti ini.

Eyo ama ọsọn̄, tre nneme. Richard emi edide isua 21 ọdọhọ ete: “Ndusụk ini, mme ufan mi ẹsikot mi mîdịghe ẹnọ mi etop ke eyo ama ọkọsọn̄, edi mmekpep idahaemi ndisitre nneme man n̄kede idap.

Nyene akpan ini emi esidụkde idap onyụn̄ edemerede. Jennifer emi edide isua 20 ọdọhọ ete: “Mmesidomo ndidụk idap nnyụn̄ ndemede ke ukem ini kpukpru usen.

Se Idinamde Okụt Unen: Domo ndide idap ke nsụhọde n̄kaha hour itiaita kpukpru okoneyo.

Eyenen̄ede ọbọ ufọn edieke anamde n̄kpọ ifan̄ oro ẹnemede mi man eside idap ọfọn. Ti ete ke edieke idem ọsọn̄de fi, ke eyenen̄ede eye, okop inem idem, onyụn̄ ekeme ndinam se akpanade anam.

Nsọn̄idem itiehe nte mme n̄kpọ eken emi mûkemeke ndinam n̄kpọ mban̄a; nsọn̄idem fo esịne fi ke ubọk. Erin emi edide isua 19 ọdọhọ ete: “Ke nditịm ntịn̄, afo enyene ndibiere m̀mê omoyom ndikop nsọn̄idem m̀mê uyomke.