Be ka se isịnede

Be ka udiana n̄kpọ

Mme Ntiense Jehovah

Efịk

N̄KPARAWA OWO ẸBỤP

Ndinam Didie Nnịm Kpukpru Ibet Emi Ete ye Eka Mi Ẹyomde Nnịm?

Ndinam Didie Nnịm Kpukpru Ibet Emi Ete ye Eka Mi Ẹyomde Nnịm?

Anaedi emesikụt ubọkn̄ka fo ẹwọrọde ke ufọk ẹnyụn̄ ẹnyọn̄ ẹdi ini eke mmọ ẹmama. Mîdịghe okụt mmọ ẹsịnede se ededi oro mmọ ẹmade, ẹsan̄a ye owo ekededi emi mmọ ẹmade ẹka ebiet eke mmọ ẹmama, ete ye eka inyụn̄ idọn̄ke enyịn.

Bible ọdọhọ ke nditọ oro ẹkamade ntre idiwọrọke n̄kpọ. (Mme N̄ke 29:15) Akpan n̄kpọ kiet emi anamde ima anana ntem ke ererimbot emi edi ke mme owo ẹma idemmọ kpọt, ndien ediwak owo ẹkekpon ke ufọk emi ẹyakde mmọ ẹnam se mmọ ẹmade.2 Timothy 3:1-5.

Utu ke ndifụbe utọ nditọwọn̄ emi, diọn̄ọ ke ima anam ete ye eka fo ẹkpan fi ndusụk n̄kpọ. Se mmọ ẹnamde onyụn̄ etie nte se Jehovah Abasi akanamde ye ikọt esie. Enye ọkọdọhọ mmọ ete:

“Ami nyanam fi enyene ikike nyonyụn̄ nteme fi usụn̄ eke afo edisan̄ade. Nyetịn̄ fi enyịn ke idem nnyụn̄ nteme fi.”—Psalm 32:8.