Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄KPARAWA OWO ẸBỤP

Nso ke N̄kpanam man Ndikpon Ubom N̄kaha?

Nso ke N̄kpanam man Ndikpon Ubom N̄kaha?

Bible ọdọhọ owo “afara ke idem.” (1 Timothy 3:2) Oro esịne nte owo adiade udia. Nam se iyomde nditịn̄ emi.

Fiọk ini emi udia oyụhọde fi. Julia emi edide isua 19 ọdọhọ ete: “N̄kesibebiere udomo udia emi ndidiade, edi idahaemi nsitre udia ke ini oyụhọde mi.

Kûdia udia oro mîfọnke owo ke idem. Peter emi edide isua 21 ọdọhọ ete: “Mma ntre ndin̄wọn̄ soda, ndien ke ufan̄ ọfiọn̄ kiet, mma ntek ke kilogram 5!

Kpụhọde idiọk usụn̄ udia udia. Erin emi edide isua 19 ọdọhọ ete: “Nsidia usan udia kiet kpọt.

Se Idinamde Okụt Unen: Dia udia ke ini akpanade adia. Mîdịghe ntre, biọn̄ eyenen̄ede ọdọn̄ fi ndien oro ayanam adia udia awak akaha.

Imọfiọk ke ediwak mbon emi mîyomke ndikpon ubom isidiọn̄ọke nte idem mmọ etiede. Ndusụk mmọ ẹsikere ke imokpon ikaha ke ini mîkponke. Edi nso ke akpanam edieke oyomde ndimana ntek? Kop se Catherine akanamde mi.

“Mma n̄kpon ubom n̄kaha ke ini uyen, edi n̄kamaha ubom. N̄kamaha nte n̄ketiede ye nte ekesitiede mi ke idem!

“Mma ntọn̄ọ ndisasat udia man ntek, edi mma nsifiak n̄kpon. Ntre ke ini n̄kedide isua 15, mma mbiere ke ana nnam ukpụhọde. N̄koyom nditek ke nnennen usụn̄ nnyụn̄ ntie ntre ke ofụri eyo uwem mi.

“Mma ndep n̄wed kiet oro eketịn̄de n̄kpọ aban̄a udia oro owo akpadiade man ọfọn enye ke idem ye nte ẹkpesịn̄erede idem, nnyụn̄ nnam se n̄kokotde. Mma mbiere ke idem edieke nduede ndia se mîkpanaha ndia mîdịghe edieke idem ememde mi, ke nditreke.

“Ndi ọmọfiọk se iketịbede? Mma ntek! Ke ufan̄ isua kiet, mma ntek ke kilogram 27. Ke ofụri isua iba idahaemi, mmenyene idem oro n̄koyomde. N̄kekereke ke mmekeme nditek ntem!

“N̄kere ke se ikanamde n̄kụt unen ikedịghe sụk ndisasat se ndiade—ekedi ndikpụhọde usụn̄uwem mi.”—Catherine, eyen isua 18.