Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄KPARAWA OWO ẸBỤP

Ndi Owo Emi Ọyọfọn ye Ami?

Ndi Owo Emi Ọyọfọn ye Ami?

Ndi omokụt owo emi akpamade ndidọ? Edieke edide ntre, akpasan̄a didie ọfiọk m̀mê enye ọyọfọn ye afo?

Kûse nte owo eyede kpọt m̀mê nte enye ọwọrọde etop. Sia n̄kaiferi oro eyede akan ke mbọhọ mbufo ekeme ndidi owo n̄kari, mîdịghe akparawa oro ọwọrọde etop akan ke ufọkn̄wed mbufo ekeme ndidu oburobụt uwem. N̄kọ oyom ndidọ owo emi afo edikemede ndidụn̄ kiet—owo emi edu ye utịtmbuba esie ekemde ye okwommọ.—Genesis 2:18; Matthew 19:4-6.

Tịm Se Nte Owo Emi Etiede

Tat enyịn se nte ufan fo esinamde n̄kpọ. Edi kpeme mîdịghe ntre, edikụt se amade kpọt. Ntem, kûnam n̄kpọ itọk itọk. Domo ndifiọk orụk owo emi ufan fo edide.

Ediwak mbon emi ẹyomde ndidọ owo isitịmke ise nte owo oro etiede. Utu ke oro, mmọ ẹsiwak nditịn̄ mban̄a mme n̄kpọ oro mmọ ẹdade ẹbiet kiet eken. Mmọ ẹsidọhọ: “Mme ikwọ oro mmade ke enye onyụn̄ ama.” “Mme n̄kpọ oro mmade ke enye onyụn̄ ama.” “Akananam nnyịn ifan̄ake n̄kpọ!” Edi nte ima iketetịn̄, kûse nte owo eyede kpọt m̀mê nte enye ọwọrọde etop. Oyom ọfiọk “ndedịbe owo eke esịt.” (1 Peter 3:4; Ephesus 3:16) Utu ke afo enem esịt ke mmimọ isiwakke ndifan̄a n̄kpọ, se nte ufan fo esinamde n̄kpọ ke ini mbufo ẹfan̄ade n̄kpọ.

Kere ban̄a mme n̄kpọ ifan̄ emi:

  • Ufan mi esinam n̄kpọ didie ke ini ifan̄ade n̄kpọ—ndi enye esikọn̄ eyịre ke ekikere esie, ‘ayat esịt obom obom’ mîdịghe ‘etịn̄ mbubiam ikọ’? (Galatia 5:19, 20; Colossae 3:8) Mîdịghe, ndi enye esinam n̄kpọ nte owo emi ọdiọn̄ọde idem—enyịme ndision̄o idem n̄kpọn̄ n̄kpọ man emem odu ke ini owo mîbiatke ibet Abasi?James 3:17.

  • Ndi enye etie ukara ukara, esiyom ẹnam n̄kpọ ẹsịn ke inemesịt imọ, mîdịghe ndi esima ndifịbe ufụp? Ndi enye esiyịre ndifiọk kpukpru se ananam m̀mê ebiet eke akaka? Eyenan̄wan emi ekerede Nicole ọdọhọ ete: “Mmesikop nte eren ye n̄wan emi ẹma ẹketọn̄ọ uyomima ẹtọhọde ke ntak emi kiet mîkanamke enye eken ọfiọk ebiet eke enye akaka. Edieke oro etịbede, n̄kere ke oyom owo ekpeme idem.”—1 Corinth 13:4.

  • Mbon en̄wen ẹse enye didie? Ọkpọfọn enyene nneme ye mbon emi ẹdiọn̄ọde enye, utọ nte nditọete emi ẹsọn̄de idem ke esop. Nte edisan̄ade ọfiọk m̀mê mme owo “ẹtịn̄ nti ikọ ẹban̄a enye” edi oro.—Utom 16:1, 2.