Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄KPARAWA OWO ẸBỤP

Ndi Mmeben̄e Idem Ndọ?

Ndi Mmeben̄e Idem Ndọ?

Ana ese kan̄a idemfo ọfọn man ekeme ndibọrọ mbụme emi. Se n̄kpọ ifan̄ emi ẹdin̄wamde fi mi:

Esinam N̄kpọ Didie ye Mbon En̄wen?

Esinam n̄kpọ didie ye ete ye eka fo ye nditọuka? Ndi emesiwak ndiyat esịt ye mmọ nnyụn̄ ntịn̄ ikọ emi abiakde mmọ man mmọ ẹkụt ke imọ imaha se mmọ ẹnamde? Afo ekere ke mmọ ẹkpedọhọ ke afo esinam n̄kpọ didie ye mmimọ? Nte anamde n̄kpọ ye mme owo ke ufọk, kpa ntre ke edinam ye owo emi ọdọde.—Ephesus 4:31.

Esitie Didie?

Ndi esitie mbre mbre m̀mê esisụk etie mfụhọ mfụhọ? Ndi esinam n̄kpọ nte owo emi ọdiọn̄ọde idem m̀mê esiyịre ete osụk ọsọn̄ ke okwo? Ndi emesimụm idem akama ke ini n̄kpọ ayatde fi? Ndi emesinyene ime? Edieke enyenede mme edu emi spirit Abasi esinamde owo enyene, eyedi eti ebe m̀mê n̄wan.—Galatia 5:22, 23.

Okụk

Esibiat okụk didie? Ndi edi owo isọn? Ndi emekeme ndinam utom ke ebiet kiet mbịghi? Edieke mûkemeke, nso idi ntak? Ndi utom edi ntak? Mîdịghe, ndi eteutom fo? Okûdi enyene edu m̀mê ido emi akpanade okpụhọde? Edieke esibiatde okụk ntịme ntịme, ndi emekere ke eyekeme ndikama okụk ubon fo?—Kot 1 Timothy 5:8.

Ndinam N̄kpọ Abasi

Edieke afo edide kiet ke otu Mme Ntiense Jehovah, nso ke esinam man Abasi aka iso ama fi? Ndi emesikot Ikọ Abasi, aka ukwọrọikọ, onyụn̄ odụk mme mbono esop? Mme owo ẹsiyom ndidọ owo emi enen̄erede ama Abasi.—Ecclesiastes 4:9, 10.

Ama etịm ese idemfo, ọyọdiọn̄ọ utọ owo emi edifọnde ye afo. Ududọhọ owo emi edituade n̄kpọfiọk n̄kpọn̄.