Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄KPARAWA OWO ẸBỤP

Ndinam Didie Nnam Ete ye Eka Mi Ẹfiọk nte Ibet Mmọ Etiede Mi ke Idem?

Ndinam Didie Nnam Ete ye Eka Mi Ẹfiọk nte Ibet Mmọ Etiede Mi ke Idem?

Se akpanamde: Tịn̄ ikọ nte ọdiọn̄ọ idem owo

Ndidiọn̄ọ nte etịn̄de ikọ ye owo

  • ayanam owo ọsọp okụt se etịn̄de.

  • anam fi ọfiọk ntak emi owo mîyakke anam se akaduakde.

    Edieke oyomde ete ye eka fo ẹnam n̄kpọ ye afo nte akwa owo, ana esitịn̄ ikọ onyụn̄ anam n̄kpọ nte akwa owo n̄ko. Edinam didie inam oro?

Kpep ndimụm idem n̄kama. Owo emi mîkemeke ndimụm idem n̄kama ididiọn̄ọde nte ekpetịn̄de ikọ ye owo. Bible ọdọhọ ete: “Ndisịme owo owụt ofụri iyatesịt esie, edi owo ọniọn̄ omụm idem akama tutu esịm akpatre.”—Mme N̄ke 29:11.

Nso ke emi ọwọrọ? Ọwọrọ ke ini ete ye eka fo mîyakke anam se akaduakde, ke udutuaha nte eyenọwọn̄, udunyụn̄ utọhọ usụn̄ ufọk usiak, m̀mê ndisan̄a nsịn ntịme ke ufọk. Utọ ido oro edikam ibabiat n̄kpọ inọ fi sia emi ekeme ndinam mmọ ẹkpan fi mme n̄kpọ en̄wen.

Domo ndise n̄kpọ nte ete ye eka fo ẹsede. Ke uwụtn̄kpọ, yak idọhọ ke ete ye eka fo inyịmeke fi etiene aka itie edinam. Utu ke ndida mfan̄a ye mmọ, emekeme ndikam mbụp mmọ ete:

“Ndi ẹyeyak n̄ka edieke nsan̄ade ye owo emi ọdiọn̄ọde idem?”

Ete ye eka fo ẹsụk ẹkeme ndidọhọ okûka. Edi edieke ọdiọn̄ọde ntak emi mmọ mîyakke aka, emekeme ndinọ ekikere emi mmọ ẹdinyịmede.

Ndikop uyo ete ye eka fo onyụn̄ etie ndikpe ebuọt emi ọkọbọde ban̄k—edieke owụtde ke edi owo akpanikọ, ẹyenen̄ede ẹnyene mbuọtidem ke idem fo.

Nam ete ye eka fo ẹnyene mbuọtidem ke idemfo. Kere ban̄a owo emi ọbọde ban̄k ebuọt okụk. Edieke enye ekpede okụk oro ẹkenọde enye ke ini oro ẹkenịmde, mbon ban̄k ẹyenyene mbuọtidem ke idemesie, ẹnyụn̄ ẹkeme ndibuọt enye okụk efen.

Ukem oro ke edi ke ufọk. Ana okop uyo ete ye eka fo. Edieke akade iso ọsọn̄ ibuot ye ete ye eka fo, kûyak idem akpa fi edieke mmọ mînen̄ekede inyene mbuọtidem ke idemfo mîdịghe inyeneke-nyene aba.

Edi edieke anamde akpanikọ—idem ke n̄kpri n̄kpọ—emi ekeme ndinam ete ye eka fo ẹnen̄ede ẹnyene mbuọtidem ke idemfo.

 

 

Kpep N̄kpọ En̄wen

N̄kparawa Owo Ẹbụp, Eboho 1

Ẹneme ibuotikọ nte n̄kpọsọn̄ mmịn ye n̄kpọsọn̄ ibọk, idan̄, uwọrọ an̄wa ye uyom ima.