Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄kemeke Ndidụk Otu

N̄kemeke Ndidụk Otu

Se afo ekemede ndinam

Akpa kan̄a, fiọk mbon emi mûsukemeke ndidụk nsan̄a ye mmọ.

Isua Emana:

N̄kemeke ndidụk nsan̄a ye . . .

  • ubọkn̄ka mi

  • mme uyen oro ẹsọn̄ọde mi

  • ikpọ owo

Se N̄kemede Ndinam:

N̄kemeke ndidụk nsan̄a ye mbon emi . . .

  • ẹkopde odudu

  • ẹnyenede usọ

  • ẹdiọn̄ọde n̄kpọ

Edu:

N̄kemeke ndidụk nsan̄a ye mbon emi . . .

  • n̄kpọ mîsinyekke mmọ idem

  • ẹwọrọde etop

  • ẹma ẹkedodụk nsan̄a

Ọyọhọ n̄kpọ iba, wụt ise nte esinamde n̄kpọ ke ini odude ye mbon emi asiakde ke enyọn̄ emi.

  • Mmesinam nte mmama se mmọ ẹmade m̀mê ke mmekeme ndinam se mmọ ẹnamde.

  • Nsidọn̄ke enyịn ke se mmọ ẹmade, nsitịn̄ mban̄a se mmade.

  • Mmesidop ntie mbet ifet eberede man ndaha.

Ọyọhọ ita, bem iso nam n̄kpọ! Kûdori enyịn mme owo ndidụk nsan̄a ye afo kpukpru ini; ndusụk ini afo enyene ndidụk ye mmọ. (Philippi 2:4) Didie ke afo ekeme ndinam emi?

Kûdụk nsan̄a ye ubọkn̄ka fo kpọt. Kere ise: Ntak emi okpoyomde nsan̄a ye owo ifan̄ kpọt ekem afo ekere ke imọ inyeneke ufan-a? Editie nte owo ndidụn̄ ke ine n̄kpa biọn̄ ke ini edide iyak do ke mmọn̄!

Eka mi ama ọdọhọ mi ndomo ndineme nneme ye ikpọ owo. Enye ọkọdọhọ mi ke idem ayakpa mi ndikụt ke mmọ ẹfiọk se ami mfiọkde. Enye eketịn̄ akpanikọ, idahaemi mmenyene ediwak ufan!”—Helena emi edide isua 20.

Kpep ndineme nneme. Oyom (1) esikpan̄ utọn̄, (2) esibụp mbụme, onyụn̄ (3) enyene ata ima.—James 1:19.

Mmesidomo ndikpan̄ utọn̄ utu ke nditịn̄ ikọ. Ndien mma ntịn̄ ikọ, nsimaha nditịn̄ mban̄a idemmi m̀mê ndibiat mbon en̄wen.”—Serena emi edide isua 18.

Edieke owo enemede n̄kpọ emi mmemfiọkke, nyọdọhọ enye anam ndusụk n̄kpọ an̄wan̄a mi. Emi esinam ẹma ndineme nneme ye ami.”—Jared emi edide isua 21.

Ndi owo o-bụt ntre ana ndomo ukeme nneme nneme. Edi ana etie ufan ufan edieke oyomde ndinyene ufan. Ntre mmọtọn̄ọ ndineme nneme.”—Leah emi edide isua 16.