Be ka se isịnede

Be ka udiana n̄kpọ

Mme Ntiense Jehovah

Efịk

Nso ke N̄kpanam Edieke N̄kopde Ndobo?

Nso ke N̄kpanam Edieke N̄kopde Ndobo?

Se afo ekemede ndinam

1. Wụk ntịn̄enyịn ke mme ukeme fo. (2 Corinth 11:6) Okposụkedi ọfọnde ọfiọk ke emesinam ndudue, oyom ọfiọk ke emesinam nti n̄kpọ n̄ko. Ndifiọk ke emesinam nti n̄kpọ ayanam etre ndikere ke imọ iwọrọke n̄kpọ onyụn̄ akan ndobo. Bụp idemfo ete, ‘Mme ukeme ewe ke nnyene?’ Kere ban̄a mme ndammana ukeme m̀mê nti edu emi afo enyenede.

2. Nyene ata ima nọ mbon en̄wen. Tọn̄ọ ke ndisịk n̄kpere owo ifan̄ kan̄a. Uyen kiet emi ekerede Jorge ọdọhọ ete: “Ndikam mbụp mbon en̄wen nte n̄kpọ etiede ye mmọ, m̀mê ndibụp nte utom mmọ etiede ekeme ndinam emehe ye mmọ.”

Emekeme ndinam n̄kpọ emi etiede nte ndisịn ebọp mbe ukpe oro abaharede fi ye mme uke fo

Ekikere oro ẹnọde: Kûnam ufan ye mbon oro ẹdide ubọkn̄ka fo kpọt. Ndusụk mbon oro Bible ọdọhọde ke ẹkedi ata nti ufan utọ nte Ruth ye Naomi, David ye Jonathan, Timothy ye Paul, ikedịghe ubọkn̄ka. (Ruth 1:16, 17; 1 Samuel 18:1; 1 Corinth 4:17) Ti n̄ko ete ke nneme idịghe uto emi owo kiet esimende ofụri ikọ etịn̄ ikpọn̄. Mme owo ẹsima owo emi esitịmde akpan̄ utọn̄ ke ini owo en̄wen etịn̄de ikọ. Ntre edieke edide owo o-bụt, ti ke idịghe afo ikpọn̄ editịn̄ ofụri ikọ!

3. ‘Kere ban̄a mbon en̄wen.(1 Peter 3:8) Idem edieke mûnyịmeke se owo en̄wen etịn̄de, nyene ime bet enye etịn̄ ikọ esie ama. Domo ndineme se mbufo mbiba ẹdinyịmede. Edieke ekerede ke ọfọn etịn̄ ndusụk n̄kpọ oro mûnyịmeke, nam ntre usọ usọ ye ke sụn̄sụn̄ ido.

Ekikere oro ẹnọde: Tịn̄ ikọ ye mbon en̄wen ke usụn̄ oro akpamade mmọ ẹtịn̄ ye afo. Mme owo isimaha ndidian idem ye owo emi ẹdiọn̄ọde nte owo mfan̄a, owo emi esidade mbon en̄wen anam mbubru, esisụn̄ide owo, m̀mê esikụtde ndudue kpukpru ini ọnọ mbon en̄wen. Mmọ ẹyenen̄ede ẹma fi edieke ‘ayakde ikọ fo enyene inem kpukpru ini.’—Colossae 4:6.

 

Kpep N̄kpọ En̄wen

CARTOON

Anie Edi Ata Ufan?

Mme ufan abian̄a ẹyọyọhọ, edi akpasan̄a didie enyene ata eti ufan?