Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ndibehe N̄wed

Ndibehe N̄wed

Se afo ekemede ndinam

Kere se ifọnde! Kûdedei ukere ke udukemeke ndinam n̄kọri sia oro ọkpọwọrọ ndinam idemfo ibak. Edieke utọ ekikere oro odụkde fi esịt, kere ban̄a mme n̄kpọ oro ekemede ndinam. Ke uwụtn̄kpọ, ke ini mme owo ẹkedọhọde ke Paul ikemeke nditịn̄ ikọ ọfọn, enye ama ọbọrọ ete: “Ekpedi ami ndi ọkọi ke nditịn̄ ikọ, ke akpanikọ ndịghe ọkọi ke ifiọk.” (2 Corinth 10:10; 11:6) Paul ama ọfiọk mmeme esie. Enye ama ọfiọk n̄ko mme n̄kpọ oro enye ekemede ndinam. Nso kaban̄a fi? Nso ye nso ke ekpekeme ndinam? Edieke mûfiọkke, bụp akwa owo emi amade fi. Utọ ufan oro ekeme ndin̄wam fi ọfiọk mme n̄kpọ oro ekpekemede ndinam ye nte akpadade mmọ anam n̄kpọ ke eti usụn̄.

Sịn idem kpep n̄kpọ. Idụhe nte ekemede ndidiọn̄ọ n̄wed edieke mûsịnke idem ukpep n̄kpọ. Imọfiọk ke ndusụk nditọ ufọkn̄wed isimaha ndikpep n̄kpọ. Edi ndikpep n̄kpọ enyene ekese ufọn. Edieke esịnde ukeme, edikam enenem fi. Man ekeme ndisịn idem n̄kpep n̄kpọ, oyom esisio ini enịm ọnọ n̄kpọ kiet kiet oro anade anam. Ti ete ke ndisịn idem n̄kpep n̄kpọ edi akpan n̄kpọ. Edi akpanikọ ke Bible ọdọhọ ke odu “ini eke ẹsakde imam” ye “ini eke ẹnekde unek.” (Ecclesiastes 3:1, 4; 11:9) Ntre, ukem nte mme uyen eken, ọkpọfọn osio ini enịm ọnọ mme edinam ini nduọkodudu. Nte ededi, Ecclesiastes 11:4 ọdọhọ ete: “Owo eke esede ofụm idisuanke n̄kpasịp; owo eke onyụn̄ esede ikpaenyọn̄ idikpen̄eke ukpen̄e.” Nso ke afo ekpep oto emi? Kûsịk ukpepn̄kpọ unịm mîdịghe ntre udunamke akpan n̄kpọ. Kpep n̄kpọ mbemiso akade mbre! Kûkere ke udunyeneke ini unam mbiba.

Kpa nte edidịbede ukwak ekemede ndinam esịp fo ọsọn̄ idem, ndisịn idem n̄kpep n̄kpọ ekeme ndinam fi ọdiọn̄ọ n̄wed.