Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

N̄kemeke Nditre Ndise Ndise Idan̄

N̄kemeke Nditre Ndise Ndise Idan̄

Se afo ekemede ndinam

Fiọk ke ndise idan̄ enen̄ede ọdiọk. Ndise idan̄ esuene n̄kpọ oro Jehovah akanamde ete mme owo ẹkpokpono. Ndifiọk ke se ndise idan̄ esinamde edi emi ayanam ‘asua se idiọkde.’—Psalm 97:10.

Kere ban̄a utịp esie. Edise ndise idan̄ isiyakke ẹkpono mbon oro ẹsiode ke ndise emi isinyụn̄ iyakke ẹkpono owo oro esede ndise emi. Ntak edi oro Bible ọdọhọde ete: “Owo mbufiọk ada okụt afanikọn̄ ndien edịbe.”—Mme N̄ke 22:3.

Biere se edinamde. Job emi ekedide eti owo ọkọdọhọ ete: “Mmenen̄ede mbiere ke tutu amama ndisehe eyenan̄wan tutu idiọk udọn̄ edemede mi.” (Job 31:1, Today’s English Version) Se itienede mi ẹdi ndusụk ke otu ‘ubiere’ oro afo ekemede ndinam:

  • Ndidaha Intanet nnam n̄kpọ ke ini ndude ikpọn̄.

  • Nyọsọsọp mmen etop ye ndise emi ọwọrọde edi ke idemesie mfep nnyụn̄ n̄kpọn̄ ikpehe Intanet emi ẹwụtde ndise idan̄ in̄wan̄-in̄wan̄.

  • Nyasian akwa owo emi mmade edieke mfiakde nse ndise emi.

Owo emi esede ndise idan̄ ediwak ini idikemeke ndisọp ntre kpa nte owo emi awan̄de urụk ediwak ini ke ubọk mîdikemeke ndisọp ntat

Sịn n̄kpọ emi ke akam. Andiwet psalm ama ekpe Jehovah Abasi ubọk ete: “Nam enyịn mi ọwọn̄ọde ọkpọn̄ ndikụt obukpo n̄kpọ.” (Psalm 119:37) Abasi oyom fi etre ndise ndise emi, ndien enye ekeme ndinọ fi ukeme man anam se inende edieke ọbọn̄de akam ọnọ enye!—Philippi 4:13.

Sian owo en̄wen. Ndimek owo emi ekemede ndisian n̄kpọ emi edi akpan usụn̄ emi ekemede nditre idiọk edu emi.—Mme N̄ke 17:17.

Ti ete: Ini ekededi oro mûsehe ndise emi, ọwọrọ amakan ke ndusụk udomo. Bọn̄ akam nọ Jehovah ini ekededi oro akande, nyụn̄ kọm enye ke ukeme oro enye ọnọde fi. Edieke etrede ndise ndise emi, ọwọrọ ke amanam Jehovah adat esịt!—Mme N̄ke 27:11.

 

Kpep N̄kpọ En̄wen

N̄kparawa Owo Ẹbụp, Eboho 1

Ẹneme ibuotikọ nte n̄kpọsọn̄ mmịn ye n̄kpọsọn̄ ibọk, idan̄, uwọrọ an̄wa ye uyom ima.