Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Nso ke N̄kpanam Edieke Owo Emi Mmade Ọdọhọde Nnam Idan̄ ye Imọ?

Nso ke N̄kpanam Edieke Owo Emi Mmade Ọdọhọde Nnam Idan̄ ye Imọ?

Afo emekeme ndidọhọ ete, “Ndi ikpakam ifonke ntiene nnam? N̄kọ kpukpru owo ke ẹnam idan̄.”

Tịm kere kan̄a!

Ke nditịn̄ akpanikọ: Idịghe kpukpru owo ẹnam idan̄.

Edi akpanikọ ke emekeme ndikot n̄wed emi owụtde ke ata ediwak uyen ke ẹnam idan̄. Ke uwụtn̄kpọ, ndụn̄ọde oro ẹkenamde ke United States ama owụt ke owo iba ke otu owo ita ẹsinam idan̄ mbemiso ẹkụrede ufọkn̄wed sekọndri. Edi ndụn̄ọde oro n̄ko owụt ke owo kiet ke otu owo ita—ata ediwak owo—isinamke idan̄.

Nso kaban̄a mbon oro ẹsinamde? Mme anam-ndụn̄ọde ẹdọhọ ke ediwak uyen emi ẹsinamde idan̄ ẹsisobo ndiọi utịp oro ẹtienede mi.

N̄kpọfiọk. Ata ediwak uyen emi ẹsinamde idan̄ mbemiso ẹdọde ndọ ẹsidọhọ ke ukperedem ke ekpedi ima ifiọk mmimọ ikpakanamke.

Ndinam idan̄ ke ini owo mîdọhọ ndọ etie nte ndida ediye ndise nnam n̄kpọ ukwọhọde ukot

Eyịghe. Ke eren ye n̄wan ẹma ẹkenam idan̄ ẹma, owo mmọ kiet kiet esitọn̄ọ ndikere, ‘Okûdi enyene owo en̄wen oro ufan emi esinamde idan̄?’

Abian̄a. Ke isọn̄ esịt mmọ, ediwak nditọiban ẹkpema ndinam ufan ye eren emi edikpemede-kpeme mmọ, idịghe enye oro edidade mmọ oyụhọ idiọk udọn̄ esie. Ke ẹma ẹkenam idan̄ ẹma, ediwak iren isinen̄ekede ima aba eyenan̄wan emi ekenyịmede ndinam idan̄ ye mmọ.

Ikọ item: Idem fo ọsọn̄ urua akan se akpayakde ọnọ owo ntre ntre. Wụt ke emekeme ndisọn̄ọ nda nnam ibet Abasi emi akpande idan̄ mbemiso ndọ. Nte ini akade, edieke ọdọde ndọ, emekeme ndinam idan̄ ye nsan̄a ndọ fo. Do eyenen̄ede enem fi, udutịmekede esịt, udutuaha n̄kpọfiọk, udunyụn̄ unyeneke mfịna emi mbon oro ẹsinamde idan̄ mbemiso ẹdọde ndọ ẹsinyenede.—Mme N̄ke 7:22, 23; 1 Corinth 7:3.

 

Kpep N̄kpọ En̄wen

N̄kparawa Owo Ẹbụp, Eboho 2

Ẹneme ibuotikọ nte ufọkn̄wed, unọ idem nduọkodudu, mme uke, mme ete ye eka, mme ukpụhọde oro okụtde ke idem fo, nte etiede fi ke idem, ye owo isio uduot.