Be ka se isịnede

Be ka udiana n̄kpọ

Mme Ntiense Jehovah

Efịk

Mme Ufan Mi ke Ẹnyịk Mi Ndinam Ndiọi N̄kpọ

Mme Ufan Mi ke Ẹnyịk Mi Ndinam Ndiọi N̄kpọ

Se afo ekemede ndinam

Akpa kan̄a, fiọk ke afo edibọrọ mbụme aban̄a se afo anamde, idịghe mme ufan fo ẹdibọrọ.

Ọyọhọ iba, diọn̄ọ idomo oro esinen̄erede ọsọn̄ fi ndikan.

Ekem bụp idemfo ete, ‘Ini ewe ke nsisobo idomo emi?’ (Ke ini ndude ke ufọkn̄wed? Ke ini ndude ikpọn̄? Ke ini ndude ke itieutom? Ini en̄wen?) Ndidiọn̄ọ ini emi ekemede ndisobo idomo ekeme ndin̄wam fi efep enye ofụri ofụri.

Ke emi afo emeben̄e idem ndinam n̄kpọ man akan idomo oro. Se ekpebemde iso anam ekpedi ndiyom usụn̄ nte akpanamde idomo oro osụhọde ubọk m̀mê nte ekpefepde enye ofụri ofụri. (Uwụtn̄kpọ: Edieke edide emesiwak ndisobo ye nditọ ufọkn̄wed mbufo emi ẹsidọhọde fi etiene mmimọ ọn̄wọn̄ sika ke n̄wed ama akasuana, emekeme ndisan̄a usụn̄ en̄wen nnyọn̄ mbak udusobo mmọ.) Se ikemede nditat fi enyịn: Mme ufan emi ẹsinyịkde fi anam ndiọi n̄kpọ idịghe nti ufan.

Ama ayak idem ọnọ idomo, edidụk ofụn ọnọ mme idiọk udọn̄ fo

Edi udukemeke ndifep kpukpru idomo. Ebebịghi awawara, akamba idomo eyesịm fi—eyedi ke ini emi mûdorike enyịn. Nso ke ekeme ndinam mban̄a oro?

Du ke mben̄eidem!

Kere ban̄a emi: Jesus ama ọfọfiọk owo emi enye adade ọnọ. Enye ama ebebiere ndikop uyo nnọ Ete esie kpukpru ini. (John 8:28, 29) Ntre se idin̄wamde fi edi ndibem iso mfiọk se edinamde.

Nam emi ise. Se m̀mê eyekeme ndikere mban̄a ntak iba oro afo ọkpọbiọn̄ọde idomo oro esiwakde ndisobo ye n̄kpọ iba emi akpanamde man an̄wam fi akan idomo oro.

Ntak emi akpayakde mbon en̄wen ẹkara fi? Wụt ke omokpon ekem ndinam se ifọnde. (Colossae 3:5) Nyụn̄ bọn̄ akam man ekeme ndika iso nnam ntre.—Matthew 6:13.

 

Kpep N̄kpọ En̄wen

MME UYEN

N̄kparawa Owo Ẹbụp, Eboho 2

Ẹneme ibuotikọ nte ufọkn̄wed, unọ idem nduọkodudu, mme uke, mme ete ye eka, mme ukpụhọde oro okụtde ke idem fo, nte etiede fi ke idem, ye owo isio uduot.

ẸDEMEDE!

Se Akpanamde Mbak Ubọkn̄ka Fo Edinam Fi Odụk Idiọk Afan̄

Ubọkn̄ka ẹsibiat owo. Nso ke akpanam mbak mmọ ẹdinam fi odụk idiọk afan̄?

N̄KPARAWA OWO ẸBỤP

Ndi Owo Emi Amade Ọdọhọ Anam Idan̄ ye Imọ?

Ndi ufọn odu ndinam nte ẹdọhọde? Ndi ayatua n̄kpọfiọk?