Se Bible ọdọhọde

 Ana ibọn̄ akam ke enyịn̄ Jesus sia enye edi n̄kukụre owo emi Abasi ọdọhọde ibọn̄ akam ke enyịn̄ esie. Jesus ọkọdọhọ ete: “Ami ndi usụn̄ ye akpanikọ ye uwem. Baba owo kiet itieneke Ete ibọhọke ebe ke ami.” (John 14:6) Jesus ama onyụn̄ ọdọhọ mme apostle esie ete: “Ata akpanikọ ke ndọhọ mbufo nte, Edieke mbufo ẹben̄ede Ete n̄kpọ ekededi enye ọyọnọ mbufo ke enyịn̄ mi—John 16:23.

Ntak en̄wen emi isibọn̄de akam ke enyịn̄ Jesus

•   Sia imokpono Jesus ye Ete esie, Jehovah Abasi.—Philippi 2:9-11.

•   Sia imọfiọk ke n̄kpa Jesus anyan̄a nnyịn.—Matthew 20:28; Utom 4:12.

•   Imọfiọk n̄ko ke Jesus edi Esịne-Ufọt nnyịn ye Abasi.—Mme Hebrew 7:25

•   Jesus edi Akwa Oku emi ekemede ndinam nnyịn isan̄a ikpere Abasi.—Mme Hebrew 4:14-16.