Be ka se isịnede

Be ka udiana n̄kpọ

Mme Ntiense Jehovah

Efịk

N̄kemeke Nditre Ndisikere Mban̄a Idan̄

N̄kemeke Nditre Ndisikere Mban̄a Idan̄

Se afo ekemede ndinam

Tịn̄ enyịn mek mbon emi odụkde nsan̄a. Edieke etienede esịn uyo ke ini mme ufan fo ye nditọ ufọkn̄wed mbufo ẹtọn̄ọde ndineme mban̄a idan̄, emi idiyakke ekpeme se ekerede. Yom usụn̄ kpọn̄ ebiet oro, edi kûnam nte edi eti owo mbak nditọ ufọkn̄wed mbufo ẹdisak fi.

Ndi akpayak n̄kpọ emi ẹkotde virus, emi esibiatde-biat kọmputa odụk kọmputa fo? Ntak ndien emi akpayakde mme oburobụt ekikere ẹdụk fi esịt-e?

Sọn oburobụt edinam unọ idem inemesịt. Ẹtịm ediwak edinam unọ idem inemesịt mfịn man ẹdemede owo idiọk udọn̄ idan̄. Bible eteme ete ẹnam nso? Enye eteme ete: “Ẹyak nnyịn iyet kpukpru se isabarede obụkidem ye spirit ifep ke idem nnyịn, inam edisana idaha nnyịn ọfọn ama ke edibak Abasi.” (2 Corinth 7:1) Nen̄ede sọn edinam unọ idem inemesịt oro ekemede ndidemede owo idiọk udọn̄ idan̄.

Ti ete: Owo ndinyene udọn̄ idan̄ idiọkke. Kamse, Abasi okobot erenowo ye n̄wan man mmọ ẹnen̄ede ẹnyene udọn̄ ke idem kiet eken, ẹnyụn̄ ẹyụhọ udọn̄ idan̄ mmọ nte ebe ye n̄wan. Ntre edieke idem enen̄erede adaha fi, kûkere ke afo edi idiọk owo, m̀mê nte ke udukemeke ndidu edisana uwem.

Ikọ item: Afo edibiere m̀mê idikere eti n̄kpọ m̀mê idikere idiọkn̄kpọ. Emekeme ndisana ke ekikere ye ke edinam edieke emekde!