Be ka se isịnede

Be ka udiana n̄kpọ

Mme Ntiense Jehovah

Efịk

Nso ke Bible Etịn̄ Aban̄a Uwet N̄kpọ ke Idem?

Nso ke Bible Etịn̄ Aban̄a Uwet N̄kpọ ke Idem?

Se Bible ọdọhọde

Leviticus 19:28 kpọt ke etịn̄ n̄kpọ ẹban̄a uwet n̄kpọ ke idem. Itie oro ọdọhọ ete: ‘Ẹkûkpi idiọn̄ọ ke idem.’ Abasi ọkọnọ nditọ Israel ibet emi man mmọ ẹkûbiet mbon idụt eken emi ẹkesiwetde enyịn̄ abasi ye idiọn̄ọ abasi mmọ ke idem. (Deuteronomy 14:2) Okposụkedi emi mme Christian mîdaha ibet emi ẹkenọde nditọ Israel idu uwem, ọfọn ikere se ikanamde Abasi ọnọ ibet oro.

Ndi akpana Christian ewet n̄kpọ ke idem?

Mme itie Bible emi ẹkeme ndin̄wam fi etịm ekere n̄kpọ emi:

  • ‘Akpana iban ẹbana idem ke usụn̄ emi owụtde iso o-bụt.’ (1 Timothy 2:9) Se ẹtịn̄de mi ebehe iban ye irenowo. Ifọnke isio idem inyan m̀mê inam n̄kpọ emi edifịnade mbon en̄wen.

  • Ndusụk owo ẹwet n̄kpọ ke idem man ẹwụt ke mmimọ idụkke ufịn inọ owo ndomokiet. Mbon en̄wen ẹnam emi man mmọ ẹwụt ke imekeme ndinam se mmimọ imama ye idem mmimọ. Edi Bible ọdọhọ mme Christian ete: “Ẹda idem mbufo ẹnọ Abasi nte odu-uwem uwa emi asanade, emi Abasi onyụn̄ enyịmede ndibọ, kpa edisana utom emi ẹdade ukeme ukere n̄kpọ mbufo ẹnam.” (Rome 12:1) Tịm kere m̀mê nso inam oyom ndiwet n̄kpọ ke idem. Ekpedi oyom ndiwet ke ntak emi mme owo ẹwetde mîdịghe ke ntak n̄ka emi odụkde, ti ke n̄kpọn̄ do emekeme ndikụt ke utọ n̄kpọ emi ifọnke ndien inyeneke nte edisan̄ade isọhi se ekewetde oro ke idem. Ama etịm ekere udûnamke n̄kpọ emi edituade n̄kpọfiọk.—Mme N̄ke 4:7.

  • Mme N̄ke 21:5 ọdọhọ ke “n̄kọkibuot owo nsịnifịk itreke ndinyene ufọn, edi kpukpru owo eke ẹnamde n̄kpọ ke ibụmede iditreke ndidu ke unana.” Mbon emi ẹsiwetde n̄kpọ ke idem isibatke ibuot kan̄a mbemiso ẹwetde, edi nte ini akade, n̄kpọ emi ekeme ndinam mmọ ẹnyene mfịna ye mme ufan mmọ onyụn̄ anam ọsọn̄ mmọ ndikụt utom nnam. Ubiak emi owo esibọde ke ini oyomde ndisọhi se ekewetde emi ye okụk emi ẹsibiatde idịghe ekpri n̄kpọ. Mbon emi ẹsin̄wamde owo ẹsọhi se enye ekewetde ke idem ye mme anam ndụn̄ọde ẹdọhọ ke ediwak mbon emi ẹkewetde n̄kpọ ke idem ẹsidọhọ ke ekpedi ima ifiọk mmimọ ikpakanamke utọ ubọkutom oro.

 

Kpep N̄kpọ En̄wen

MME MBỤME BIBLE ORO ẸBỌRỌDE

Nso ke Abasi Oyom Nnam?

Ndi oyom ẹwụt fi san̄asan̄a idiọn̄ọ m̀mê n̄kukụt mbemiso ọfiọkde se Abasi oyomde anam? Fiọk se Bible ọdọhọde.