Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ntak Ọbọn̄de Akam-a? Ndi Abasi Oyokop Akam Mi?

Ntak Ọbọn̄de Akam-a? Ndi Abasi Oyokop Akam Mi?

Se Bible ọbọrọde

Ih, oyokop. Se Bible etịn̄de ye se itịbede inọ mme owo owụt ke Abasi esikop akam owo. Bible ọdọhọ ke Abasi “ayanam se idọn̄de mbon oro ẹbakde enye, ndien enye oyokop eseme emi mmọ ẹsemede ẹyom un̄wam, onyụn̄ anyan̄a mmọ.” (Psalm 145:19) Nte afo anamde n̄kpọ edibiere m̀mê Abasi oyokop akam fo m̀mê idikopke.

Se Abasi oyomde

  • Abasi oyom nnyịn ibọn̄ akam inọ imọ, idọhọke ibọn̄ inọ Jesus, Mary, ndisana owo, mme angel, m̀mê ndisọi mbiet. Jehovah Abasi ikpọn̄ edi “Andikop akam.”—Psalm 65:2.

  • Abasi oyom nnyịn ibọn̄ akam emi ekemde ye uduak imọ oro odude ke Bible.—1 John 5:14.

  • Abasi oyom nnyịn ikpono Jesus n̄ko, inyụn̄ ibọn̄ akam ke enyịn̄ esie. Jesus ọkọdọhọ ete: “Baba owo kiet itieneke Ete ibọhọke ebe ke ami.”—John 14:6.

  • Abasi oyom nnyịn ibọn̄ akam ke mbuọtidem, inyụn̄ iben̄e enye anam mbuọtidem nnyịn okpon.—Matthew 21:22; Luke 17:5.

  • Abasi oyom nnyịn isụhọde idem ibọn̄ akam ke ofụri esịt. Bible ọdọhọ ke kpa ye oro ‘Jehovah okon̄de, ke enye esikụt mbon oro ẹsụhọrede idem.’—Psalm 138:6.

  • Abasi oyom nnyịn isibọn̄ akam kpukpru ini. Jesus ọkọdọhọ ete: “Ẹka iso ẹben̄e, ndien ẹyenọ mbufo.”—Luke 11:9.

Se mîbeheke Abasi

  • Ibeheke Abasi m̀mê owo oto m̀mọ̀n̄. Bible ọdọhọ ke “Abasi inamke asari, edi ke kpukpru idụt enye enyenyịme owo eke abakde enye onyụn̄ anamde edinen ido.”—Utom 10:34, 35.

  • Ibeheke Abasi m̀mê owo ada didie ọbọn̄ akam. Emekeme nditetie mbọn̄ akam, ndisụk iso ke isọn̄, nditọn̄ọ edọn̄, m̀mê ndidada.—1 Chronicle 17:16; Nehemiah 8:6; Daniel 6:10; Mark 11:25.

  • Edide owo ọbọn̄ akam uyo ọwọrọ m̀mê ọbọn̄ ke esịt, oro ikpanke Abasi ndikop sia Abasi esikop akam emi ẹbọn̄de ke esịt.—Nehemiah 2:1-6.

  • Edide mfịna fo okpon m̀mê ikponke, Abasi oyom ‘otop kpukpru odori imọ ke idem, koro enye ekere aban̄a fi.’—1 Peter 5:7.

 

Kpep N̄kpọ En̄wen

Anie Edi Abasi?

Ndi Abasi enyene enyịn̄, n̄ko nte enye ekere aban̄a nnyịn?