Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Nso ke Bible Etịn̄ Aban̄a Owo Ndidọ Owo Emi Otode Ebiet En̄wen?

Nso ke Bible Etịn̄ Aban̄a Owo Ndidọ Owo Emi Otode Ebiet En̄wen?

Se Bible ọdọhọde

Abasi enyịme owo ọdọ owo emi otode ebiet en̄wen sia kpukpru owo ẹdi ukem ke enyịn esie. Bible ọdọhọ ete: “Abasi anam n̄kpọ ukem ukem ye kpukpru owo . . . , inamke n̄kpọ m̀mê enye oto m̀mọ̀n̄.”—Utom 10:34, 35, Good News Translation.

Kere ban̄a ndusụk edumbet Bible emi ẹban̄ade ndọ ye kpukpru owo ndidi ukem.

Kpukpru owo ẹto owo kiet

Kpukpru owo ẹto akpa owo emi okodude uwem, Adam, ye n̄wan esie, Eve, emi Bible okotde “eka kpukpru mme andidu uwem.” (Genesis 3:20) Oro anam Bible ọdọhọ ke Abasi “[akanam] kpukpru idụt ubonowo ẹwọn̄ọ ẹto owo kiet.” (Utom 17:26) Kpukpru owo ẹto ubon kiet, inamke n̄kpọ m̀mê owo oto m̀mọ̀n̄. Edi nso ke akpanam edieke asari enen̄erede ọsọn̄ ubọk ke edem mbufo?

Mbon Ọniọn̄ ‘ẹsikọkọk ibuot’

Okposụkedi emi Abasi enyịmede owo ndidọ owo ke idụt ekededi, idịghe kpukpru owo ẹnyịme ye se Abasi etịn̄de emi. (Isaiah 55:8, 9) Edieke aduakde ndidọ owo emi otode ebiet en̄wen, ọkpọfọn etie ye owo emi oyomde ndidọ ẹneme se itienede mi:

  • Ẹdisan̄a didie iyọ ofụri se mbonubon ye mbio obio mbufo ẹditịn̄de ẹnyụn̄ ẹnam mbufo?

  • Ẹdinam didie in̄wam nditọ mbufọ ẹyọ asari?

‘Ndikọk ibuot’ ntem ekeme ndin̄wam fi okop inem ndọ fo.—Mme N̄ke 13:10; 21:5.