Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ndi Devil Akam Odu?

Ndi Devil Akam Odu?

Se Bible ọdọhọde

Devil odu. Enye edi “andikara ererimbot.” Enye onyụn̄ edi akpa angel emi ọkọsọn̄de ibuot ye Abasi. (John 14:30; Ephesus 6:11, 12) Devil enyene nsio nsio enyịn̄ ke Bible. Mmọ ẹdi:

Devil idịghe idiọkn̄kpọ emi esịnede owo ke esịt

Ndusụk owo ẹkere ke Devil edi idiọkn̄kpọ emi esịnede owo ke esịt. Edi Bible etịn̄ nte Abasi ekenyenede nneme ye Satan ke heaven. Abasi ọfọn ama, ntre Abasi ikpenyeneke nneme ye idiọkn̄kpọ ke esịt esie. (Deuteronomy 32:4; Job 2:1-6) Satan ama odomo Jesus emi edide mfọnmma n̄ko. (Matthew 4:8-10; 1 John 3:5) Se Bible etịn̄de enen̄ede owụt ke Devil odu, ke enye idịghe idiọkn̄kpọ emi esịnede owo ke esịt.

Ikpanaha akpa nnyịn idem nte ediwak owo mînịmke ke Satan odu koro Bible ọdọhọ ke Satan ke abian̄a mme owo, iyakke mmọ ẹfiọk ke imọ do. (2 Thessalonica 2:9, 10) Satan ekịm mme owo enyịn etieti.—2 Corinth 4:4.

Mme abian̄a efen emi mme owo ẹnịmde

Nsu: Devil edi Lucifer.

Akpanikọ: Ikọ Hebrew emi ẹkabarede nte “Lucifer” ke ndusụk Bible ọwọrọ ‘enye emi ayamade.’ (Isaiah 14:12) Se etịn̄de ke itie Bible oro owụt ke ẹketịn̄ ẹban̄a ndidem ke Babylon emi Abasi ekesuenede ke ntak ntan̄idem. (Isaiah 14:4, 13-20) Bible ndikot ndidem Babylon emi ẹma ẹkekan “afo emi ayamade” ọwọrọ ke ẹkesasak mmọ.

Nsu: Abasi ada Satan amia mme owo ufen.

Akpanikọ: Devil edi asua Abasi, idịghe eyenutom esie. Satan an̄wan̄wana ye mbon emi ẹnamde n̄kpọ ẹnọ Abasi onyụn̄ odori mmọ ikọ.1 Peter 5:8; Ediyarade 12:10.

 

Kpep N̄kpọ En̄wen