Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ndi Akpana Ituak Ibuot Inọ Mbiet?

Ndi Akpana Ituak Ibuot Inọ Mbiet?

Se Bible ọdọhọde

Ihih, ikpanaha inam utọ n̄kpọ oro. New Catholic Encyclopedia etịn̄ ntem aban̄a ibet oro Abasi ọkọnọde nditọ Israel: “Nsio nsio mbụk Bible owụt ke mbon oro ẹkekponode ata Abasi ikesikamake mbiet ndomokiet ikpono enye.” Mbọk se se mme itie Bible emi ẹtịn̄de:

  • “Kûnam edisọi mbiet unọ idemfo m̀mê mbiet n̄kpọ ekededi eke odude ke heaven ke enyọn̄ m̀mê eke odude ke isọn̄ ke idak m̀mê eke odude ke mmọn̄ ke idak isọn̄. Kûnụhọ unọ mmọ, kûnyụn̄ uyak ẹnam fi anam n̄kpọ mmọ, koro ami Jehovah Abasi fo ndi Abasi emi oyomde san̄asan̄a utuakibuot.” (Exodus 20:4, 5) Sia Abasi oyomde “san̄asan̄a utuakibuot,” esịt idinemke enye edieke ikponode m̀mê itorode mbiet, ndise, m̀mê idiọn̄ọ ekededi.

  • ‘Ndinọhọ ndisọi mbiet itoro mi.’ (Isaiah 42:8) Abasi inyịmeke ẹda mbiet ndomokiet ẹtuak ibuot ẹnọ imọ. Ke ini ndusụk nditọ Israel ẹkebotde eyen enan̄ ẹdọhọ ke iyom ndida n̄kpono Abasi, enye ọkọdọhọ ke mmọ ẹnam “ata idiọk n̄kpọ.”Exodus 32:7-9, Easy-to-Read Version.

  • “Nnyịn ikpekereke ite Abasi ebiet gold m̀mê silver m̀mê itiat m̀mê n̄kpọ eke ẹdade usọ ye ekikere owo ẹbot.” (Utom 17:29) Ikpanaha mme Christian ebiet mbon oro ẹsikponode “n̄kpọ eke ẹdade usọ ye ekikere owo ẹbot,” sia Bible ọdọhọ ke mme Christian ‘ẹsan̄a ke mbuọtidem, isan̄ake ke se ekụtde ke enyịn.’2 Corinth 5:7.

  • “Ẹkpeme idem ke ndem.” (1 John 5:21) Mme owo ẹsikpep ke Abasi enyịme ẹda mbiet ẹtuak ibuot ẹnọ imọ. Ibet oro ẹkenọde nditọ Israel ye mme Christian owụt ke utọ ukpepn̄kpọ oro edi nsu.

 

Kpep N̄kpọ En̄wen

Ndi Jesus Akakpa ke Cross?

Ediwak owo ẹdọhọ ke cross ke ẹda ẹdiọn̄ọ mme Christian. Ndi akpana ikama cross ituak ibuot inọ Abasi?