Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Enyịn̄ Mmanie ke Ẹwet ke “N̄wed Uwem”?

Enyịn̄ Mmanie ke Ẹwet ke “N̄wed Uwem”?

Se Bible ọdọhọde

Enyịn̄ efen emi ẹnọde “n̄wed uwem” edi “n̄wed editi.” N̄wed emi ke ẹwet enyịn̄ mbon emi Abasi edinọde nsinsi uwem. (Ediyarade 3:5; 20:12; Malachi 3:16) Abasi ewet enyịn̄ mbon emi ẹnamde kpukpru se enye ọdọhọde.John 3:16; 1 John 5:3.

Abasi ifreke kpukpru mbon emi ẹnamde n̄kpọ esie “toto ke editọn̄ọ ererimbot.” Onyụn̄ etie nte enye ewet enyịn̄ mmọ ke n̄wed. (Ediyarade 17:8) Abel edi akpa eti owo emi enyịn̄ esie esịnede ke n̄wed uwem. (Mme Hebrew 11:4) N̄wed emi itiehe nte n̄wed emi titia akamade okot enyịn̄ nditọ ufọkn̄wed man ọfiọk m̀mê mmọ ẹdi n̄wed. Kpa ye edide n̄wed enyịn̄, enye owụt ke Jehovah Abasi ama mme owo, onyụn̄ ‘ọfiọk mmọ eke ẹnyenede enye.’2 Timothy 2:19; 1 John 4:8.

Ndi ẹkeme ndisọhi enyịn̄ owo nsio ke “n̄wed uwem”?

Ih. Abasi ọkọdọhọ nditọ Israel emi ẹkesọn̄de ibuot ye enye ete: “Owo ekededi eke anamde idiọkn̄kpọ edue mi, nyọsọhi enye mfep ke n̄wed mi.” (Exodus 32:33) Edieke ikade iso inam n̄kpọ Abasi, enyịn̄ nnyịn eyesịne ke “n̄wed uwem.”Ediyarade 20:12.