Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Nso ke Bible Etịn̄ Aban̄a Edisịn Iyịp ke Idem?

Nso ke Bible Etịn̄ Aban̄a Edisịn Iyịp ke Idem?

Se Bible ọdọhọde

Bible ọdọhọ nnyịn ikûdia iyịp. Ntre, nnyịn ikpọbọhọ ofụri iyịp m̀mê mme akpan ikpehe esie, edide ndidadia m̀mê ndikịm nsịn ke idem. Kop se mme itie N̄wed Abasi emi ẹtịn̄de:

  • Genesis 9:4. Abasi ama ayak Noah ye ubon esie ẹta unam ke Ukwọ ama ekebe, edi ama ọdọhọ mmọ ẹkûdia iyịp. Abasi ọkọdọhọ Noah ete: “Mbufo ẹkûta unam ye ukpọn̄ esie, oro edi, iyịp esie.” Ewụhọ emi ebehe kpukpru owo ọtọn̄ọde ke eyo Noah koro kpukpru nnyịn idi nditọ Noah.

  • Leviticus 17:14. Mbufo ẹkûdia iyịp unam ekededi, koro uwem kpukpru orụk unam edide iyịp esie. Ẹnyene ndisịbe owo ekededi emi adiade iyịp mfep.” Abasi akada ke ukpọn̄ m̀mê uwem unam odu ke iyịp unam oro, ndien ke imọ inyene. Okposụkedi emi edide nditọ Israel ke ẹkenọ ibet emi, enye owụt ke Abasi akada ewụhọ oro akpande edidia iyịp ke ata akpan n̄kpọ.

  • Utom 15:20. Ẹbet iyịp.” Abasi ama ọnọ mme Christian ukem ewụhọ oro enye ọkọnọde Noah. Mbụk owụt ke mme Christian eyo mme apostle ẹma ẹsịn ndidia iyịp m̀mê ndikam nda enye nsọbọ idem.

Ntak emi Abasi ọdọhọde nnyịn ibet iyịp?

Mbiausọbọ ẹkụt ediwak ntak emi ẹwụtde ke ndisịn iyịp ke idem ifọnke. Edi, akakan ntak edi ke Abasi ọdọhọ nnyịn ibet iyịp koro se iyịp adade aban̄a edi edisana n̄kpọ ọnọ Abasi.—Leviticus 17:11; Colossae 1:20.

 

Kpep N̄kpọ En̄wen

Ntak Emi Mme Ntiense Jehovah Mîsinyịmeke Ẹsịn Mmọ Iyịp?

Sia Mme Ntiense Jehovah mîsinyịmeke ẹsịn mmimọ iyịp, enyene ediwak n̄kpọ oro ẹsitịn̄de ẹban̄a mmọ oro mînenke. Kot ban̄a se nnyịn inịmke ke akpanikọ.