Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Nso ke Bible Etịn̄ Aban̄a Easter?

Nso ke Bible Etịn̄ Aban̄a Easter?

Se Bible Ọbọrọde

Idịghe Bible ọdọhọ mme owo ẹnịm usọrọ Easter. Edieke etịmde odụn̄ọde n̄kpọ aban̄a Easter, oyokụt ke mbon eset ẹkesinịm usọrọ emi ẹkere ke in̄wan̄ mmimọ eyenen̄ede ọfọn n̄kpọ. Kot se itienede emi ise.

  1. Enyịn̄ oro Easter: Encyclopædia Britannica ọdọhọ ete: “Owo itịmke idiọn̄ọ ebiet emi ẹdade enyịn̄ oro Easter ẹto; Oku Germany kiet emi ekerede Venerable Bede, emi okodude ke n̄kpọ nte isua 1,300 emi ẹkebede akada enyịn̄ abasi-an̄wan oro Eostre osio Easter.” Mbon en̄wen ẹdọhọ ke ẹda enyịn̄ emi ẹto Astarte, abasi-an̄wan mbun̄wụm mbon Phoenicia, emi nsan̄a esie ekekerede Ishtar.

  2. Ebet, oyot: Encyclopædia Britannica ọdọhọ ke mme okpono ndem ke Europe ye ke Asia ẹkesida ebet ye oyot Easter nte idiọn̄ọ ke isọn̄ mmimọ ọyọfọn n̄kpọ, ndien emi itọn̄ọke mfịn.

  3. Nsenunen Easter: N̄wed kiet ọdọhọ ke ‘ndikụt nditọwọn̄ ẹsan̄ade ẹyom nsenunen emi ẹdọhọde ke oyot Easter ada edi, idịghe n̄kpọ mbre nditọwọn̄, edi ke mmọ ẹda emi nte idiọn̄ọ ke isọn̄ mmimọ ọyọfọn n̄kpọ.’ (Funk & Wagnalls Standard Dictionary of Folklore, Mythology and Legend) Ndusụk owo ẹnịm ke nsenunen Easter oro ẹyetde nsio nsio kọlọ “ẹtie nte n̄kpọ n̄kpemeidem emi onyụn̄ ekemede ndinam mmọ ẹkop inemesịt, ẹnyene inyene, ẹnyụn̄ ẹkop nsọn̄idem.”—Traditional Festivals.

  4. Obufa ọfọn̄ Easter: N̄wed kiet ọdọhọ ke “owo ndisịne akani ọfọn̄ n̄ka n̄kọkọm abasi-an̄wan mbon Scandinavia, m̀mê Eastre, ekedi emiom, ke emi ama esinyụn̄ akama ndiọkiso.”—The Giant Book of Superstitions.

  5. Se ẹsinamde ke usen Easter ke utịn ama asiaha: Ẹdọhọ ke mbon emi ẹkesituakde ibuot ẹnọ utịn “ẹma ẹsidara utịn ke usen Easter sia ẹkerede ke utịn ayanam se mmimọ itọde ẹsehe.”—Celebrations—The Complete Book of American Holidays.

N̄wed kiet emi ẹkotde The American Book of Days etịn̄ ntem aban̄a nte Easter ọkọtọn̄ọde: “Ke ini Ufọkabasi ọkọtọn̄ọde obufa obufa, enye ama ọtọn̄ọ ndinam se mme okpono ndem ẹkesinamde onyụn̄ anam etie nte mmọ ẹdi edinam mme Christian.

Bible ọdọhọ nnyịn ituak ibuot inọ Abasi nte enye oyomde, idịghe nditiene nnam se mme owo ẹnamde. (Mark 7:6-8) Jehovah ọdọhọ nnyịn ete idian̄ade ida ikûnyụn̄ itụk n̄kpọ ndek baba kiet. (Corinth 6:17) Easter edi usọrọ mme okpono ndem ndien mbon emi ẹmade Abasi ikpanamke utọ usọrọ emi.

 

Kpep N̄kpọ En̄wen

Editi N̄kpa Jesus

Kpukpru isua ediwak miliọn owo ẹsisop idem man ẹti n̄kpa Jesus. Imokot fi ite etiene edikop ntak emi akpan edinam emi ebehede fi.

Ntak Emi Mme Ntiense Jehovah Mîsidiaha Easter?

Ediwak owo ẹda ke Easter edi usọrọ mme Christian. Ntak emi Mme Ntiense Jehovah mîsidiaha enye?