Be ka se isịnede

Se Mme Ọdọkisọn̄ Nyom N̄kpọeset Ẹkụtde Owụt ke Edidem David Ama Odu

Se Mme Ọdọkisọn̄ Nyom N̄kpọeset Ẹkụtde Owụt ke Edidem David Ama Odu

Mbụk Bible owụt ke Edidem David emi akakarade Israel okodu uwem ke n̄kpọ nte isua 3,100 emi ekebede, ke ndidem emi ẹketode ubon esie ẹma ẹnyụn̄ ẹkara ke ata ediwak isua. Edi ndusụk mbon emi ẹsikụtde ndudue ẹnọ Bible ẹfan̄a ẹte ke David ikodụhe, ke mme owo ẹkeditịbi mbụk esie ẹdi nte ini akakade. Ndi Edidem David ama odu?

Ke 1993, Avraham Biran emi esidọkde isọn̄ oyom n̄kpọeset, ye mbon eken emi ẹsinamde utom ye enye, ẹma ẹkụt ubak itiat ke Tel Dan emi odude ke edere edere Israel. Ẹkewet “Ufọk David” ke ubak itiat oro. Ẹkeda mme abisi usem mbon Semite eset ẹwet ikọ oro, ndien esịm isua 2,900 tọn̄ọ ẹkewet. Etie nte itiat emi edi ubak adaha emi mbon Aramaean ẹkewụkde ẹda ẹnam inua ke imakan nditọ Israel.

Ibuotikọ kiet ke Bible History Daily ọdọhọ ete: “Enyene mbon emi ẹkenyenede eyịghe ẹban̄a ‘Ufọk David’ oro ẹwetde ke itiat oro . . . Edi ediwak ntaifiọk emi ẹsinamde ndụn̄ọde ẹban̄a Bible ye mme ọdọkisọn̄ nyom n̄kpọeset ẹnyịme ke adaha oro ke Tel Dan edi akpa n̄kpọ emi enen̄erede ọsọn̄ọ ke Edidem David emi Bible etịn̄de aban̄a ama odu. Oro anam adaha oro edi kiet ke otu mme akpan n̄kpọeset emi ẹban̄ade Bible, emi ẹdọkde ẹsio ke isọn̄, emi BAR [Biblical Archaeology Review] ewetde aban̄a.”