Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mbono Esop Uwem ye Utom Nnyịn Mme Christian  |  September 2017

 NTE CHRISTIAN OKPODUDE UWEM

Ẹkpep Mmọ Ẹsọn̄ọ Ẹda Ẹnam N̄kpọ Jehovah

Ẹkpep Mmọ Ẹsọn̄ọ Ẹda Ẹnam N̄kpọ Jehovah

Imesikụt ke mme asuanetop emi ẹkebakde-bak ẹkpep mmọ ndisiwọrọ an̄wautom nnyụn̄ nsịn ifịk n̄kwọrọ ikọ, ẹsinen̄ede ẹdiọn̄ọ ukwọrọikọ ẹnyụn̄ ẹma ukwọrọikọ. (N̄ke 22:6; Php 3:16) Se nte ekemede ndin̄wam eyen ukpepn̄kpọ fo enen̄ede ọdiọn̄ọ ndikwọrọ ikọ ọfọn:

  • Ẹma ẹnyenyịme eyen ukpepn̄kpọ fo edi asuanetop oro mînaha baptism, tọn̄ọ inikiet inikiet ndikpep enye nte ẹkpekwọrọde ikọ ọfọn. (km 8/15 1) Nam enye ọfiọk ntak emi ọfọnde enye aka ukwọrọikọ kpukpru urua. (Php 1:10) Sitịn̄ nti n̄kpọ ban̄a efakutom mbufo. (Php 4:8) Nam enye esisan̄a ye esenyịn otu an̄wautom ye mme asuanetop eken ke an̄wautom man enye ekeme ndikpep n̄kpọ nto mmọ.​—N̄ke 1:5; km 10/12 6 ¶3

  • Ke enye ama akana baptism, ka iso n̄wam enye ọfiọk ndikwọrọ ikọ, akpan akpan edieke enye mîkpepke n̄wed “Ima Abasi” ikụre.​—km 12/13 7

  • Ke ini ẹdiande fi ẹnọ owo emi ọtọn̄ọde-tọn̄ọ ndiwọrọ an̄wautom, nam ukwọrọikọ fo edi ibio ibio okûnyụn̄ ọsọsọn̄. Ndien ke ini enye n̄ko ọkwọrọde ikọ, toro enye ke se enye anamde ọfọn, nyụn̄ wụt enye n̄kpọ ifan̄ emi edinamde enye ọdiọn̄ọ ndikwọrọ ikọ ọfọn.​—km 5/10 7