NTAK EMI EDIDE AKPAN N̄KPỌ: Ke okoneyo oro ekesierede usen oro ẹkewotde Jesus, enye ama ọbọn̄ akam ye mme mbet esie onyụn̄ eben̄e Abasi ete anam mmọ ẹnen̄ede ẹdiana kiet. (Joh 17:23) Edieke iyomde ndika iso ndiana kiet, ana ima nditọete nnyịn, inyụn̄ iti ke ima ‘isibatke idiọk ibon.’​—1Co 13:5.

NTE AKPANAMDE:

  • Yom nti n̄kpọ ke idem mbon en̄wen kpa nte Jehovah esiyomde

  • Fen nọ owo ke ofụri esịt

  • Edieke edide ama ebebiere mfịna ye owo, kûfiak utịn̄ uban̄a mfịna oro aba.​—N̄ke 17:9

ẸSE VIDIO ORO ‘ẸNYENE IMA KE OTU IDEM MBUFO’​—KÛBAT IDIỌK UBON, EKEM ẸBỌRỌ MME MBỤME EMI:

  • Ke akpa ikpehe ke vidio oro, didie ke Helen okowụt ke imọ ‘imesibat idiọk ibon’?

  • Ke ọyọhọ ikpehe iba ke vidio oro, didie ke Helen ọkọsọsọp okpụhọde nte enye ekerede n̄kpọ onyụn̄ ọtọn̄ọ ndikere n̄kpọ ọfọn?

  • Didie ke se Helen akanamde ke akpatre akanam esop ẹdiana kiet?

Edieke abatde idiọk obon, anie ke emi edibiak ikan?